ڤیدیۆ.. بەرازیل و سەنیگال بەرامبەر بون

10/10/2019 4:54:00 PM 1900 جار خوێندراوەتەوە

خەندان سپۆرت

 

لە یارییەكی دۆستانە و ئامادەكاریدا هەڵبژاردەی بەرازیل ڕوبەروی هەڵبژاردەی سەنیگال بۆوە.

لە نیوەی یەكەمی یارییەكە و لە خولەكی نۆ، یاریزانانی هەڵبژاردەی بەرازیل دەستپێشخەریان كرد لە تۆماركردنی گۆڵ لە رێگەی رۆبێتۆ فێرمینۆ، كە ئەمەش گۆڵی ژمارە 13ی ئەو یاریزانە بو بۆ هەڵبژاردەی بەرازیل، دوای ئەم گۆڵە یاریزانانی هەڵبژاردەی سەنیگال كەوتنە خۆیان و بەهۆی فشاری زۆریان بۆ سەر تۆڕی گۆڵی هەڵبژاردەی بەرازیل، ناوبژان لێدانێكی سزای لەبەرژەوەندی سەنیگالییەكان ئەژمار كردو فامارا گۆڵی بەرامبەری بۆ هەڵبژاردەكەی تۆماركردەوەو نیوەی یەكەم بە هاوتا بون بە گۆڵێك بۆ هەردو هەلبژاردە كۆتایی هات.

لە نیوەی دەم یاریزانانی هەردو هەڵبژاردە لە هێرشەكانیان بۆ سەر تۆڕی گۆڵی یەكتری بەردەوام بون لە پێناو ئەوەی گۆڵی دوەم و بردنەوە تۆمار بكەن، بە تایبەت یاریزانانی بەرازیل چەند هەڵێكی گۆڵ تۆماركردنیان لەدەستدا و هیچ كام لە یاریزانانی ئەو دو هەڵبژاردەیە سەركەوتو نەبون لە تۆماركردنی گۆڵ.

سەرئەنجام یارییەكە بە هاوتابون بە گۆڵێك بۆ هەردو هەڵبژاردە كۆتایی هات.


نیشانەکردن :

#به‌رازیل

Copyright © 2017 Xendan.org all rights reserved

designed and developed by AVESTA GROUP