پیتەر چیك گرێبەستێكی نوێی ئەنجامدا

10/10/2019 11:39:00 AM 1514 جار خوێندراوەتەوە

خەندان سپۆرت

 

دوای ئەوەی بە شێوەیەكی فەرمی پیتەر چیكی گۆڵپارێز وازهێنانی خۆی لە یاریی تۆپی پێ ڕأگەیاند، گرێبەستێكی نوێی ئەنجامداوە بەڵام ئەمجارە رو لە وەرزشێكی دیكە دەكات.

میدیاكانی ئەوروپا لە هەواڵێكدا ئاشكرایان كرد، كە پیتەر چیكی گۆڵپارێزی مێژوی یانەی چێڵسی، گەڕاوەتەوە دونیای وەرزش، بەڵام ئەمجارە ئەو یاریزانە ناگەڕێتەوە نێو یاریگەكانی تۆپی پێ، بەڵكو ڕو لە یارییەكانی هۆكی سەرسەهۆڵ دەكات و بەختی خۆی لەو یارییە لەگەڵ یانەی گیڵدیفۆرد فینکسی تاقیدەكاتەوە و بۆ ماوەی یەك ساڵ گرێبەستی ئەنجامداوە.

ئەم گۆڵپارێزە لە یارییەكانی وەرزی رابردو دواین كاروانی وەرزشی خۆی لەگەڵ یانەی ئارسناڵ بەڕێكرد و دوای تەواو بونی یارییەكانی پریمەرلیگی وەرزی رابردو بە شێوەیەكی یەكجارەكی وازهێنانی خۆی لە یاریی تۆپی پێ ڕاگەیاند.

پیتەر چیكی تەمەن 37 ساڵان، هۆكاری پەیوەندی كردنی بەم یارییەوە ئاشكراكردو وتی"لە تەمەنی لاوێتیمەوە یەكێك لە ئاواتەكانم ئەوە بوە كە ببمە یاریزانی هۆكی، بۆیە ئێستا دڵخۆشم كە دوای 20 ساڵ یاریكردن لە تۆپی پێ ئەزمونێکی نوێ تاقی دەکەمەوە".


نیشانەکردن :

#ئارسناڵ #چێڵسی

Copyright © 2017 Xendan.org all rights reserved

designed and developed by AVESTA GROUP