خانمە نمایشكارێك.. ئەگەر چێڵسی ببێتە پاڵەوان خۆم ڕوت دەكەمەوە

10/8/2019 3:03:00 PM 8062 جار خوێندراوەتەوە

خەندان سپۆرت

 

خانمە نمایشكارێكی بەرازیلی كە یەكێكە لە هاندەرە سەرسەختەكانی یانەی چێڵسی ئینگلیزی، بەڵێن دەدات بە هەوادارانی یانەكەی ئەگەر یانەی چێڵسی ببێتە پاڵەوانی ئەم وەرزەی پریمەرلیگ ئەوا خۆی بە ڕوتی نمایش دەكات.

جێسیکا لۆپێزی خانمە نمایشکاری بەڕازیلی كە ماوەی چەند ساڵێكە لە وڵاتی بریتانیا و لە شاری لەندەن ژیان دەباتەسەر، یەکێکە لە هاندەرە بەردەوامەكانی یانەی چێڵسی و بەڵێنی داوە ئەگەر ئەم وەرزە یانەی بلوز بتوانێت نازناوی خولی یانەكانی ئینگلتەرا بەدەستبهێنێت، ئەوا خۆی روت دەکاتەوە و وەك دیارییەك بۆ هاندەرانی یانەكەی.

چێڵسی لە یارییەكانی ئەم وەرزەی پریمەرلیگ تا ئێستا هەشت یاریی ئەنجامداوە لە ژێر سەرپەرشتی فرانك لامپاردی یاریزانی پێشوی یانەكە و توانیویانە ریزبەندی پێنجەمی یانەكانی ئینگلتەرا بگرن بە كۆكردنەوەی 14 خاڵ.

جێسیکا لە لێدوانێکی بۆ رۆژنامەی دەیلی ستاری بریتانی وتی"من ئامادەم بۆ هەمو شتێك لە پێناو چێڵسی، بەردەوام سەیری یارییەكانی ئەو یانەیە دەكەم و لە دڵەوە ئاوات دەخوازم كە ببنە پاڵەوانی ئەم وەرزە، وە ئەگەر بێتو ئەوە روبدات، ئەوا بە تەواوەتی خۆم روت دەکەمەوە".


نیشانەکردن :

#جیهان #چێڵسی

Copyright © 2017 Xendan.org all rights reserved

designed and developed by AVESTA GROUP