لێدوانی رۆژنامەوانی ساری و كۆنتی

10/6/2019 11:52:00 AM 2144 جار خوێندراوەتەوە

خەندان سپۆرت

 

لە چوارچێوەی یارییەكانی ئەم هەفتەی خولی یانەكانی ئیتاڵیا و لە یاریی لوتەكەدا یانەی ئینتەرمیلان و یۆڤانتۆس روبەروی یەكتر دەبنەوە، پێش ئەنجامدانی یارییەكەش ساری و كۆنتی كۆنفرانسێكی رۆژنامەوانیان ئەنجامدا.

ماوریزیۆ ساری راهێنه‌ری یانه‌ی یوڤانتوس له‌ كۆنگره‌ی رۆژنامەوانیدا وتی.. " ناتوانیت بە ئاسانی لەم یارییەدا تیمی براوە دیاریی بكەین، چونكە كۆنتی تیمێكی تۆكمەی دروست كردوەو لە بەرامبەر بەرشەلۆنەدا ئەو ئاستەی پێشكەشیان كرد، ئاماژەیە بۆ ئەوەی كە تیپێكی تەواو بەهێزن".

راهێنەرەكەی بیانكۆنێری وتیشی.."هەردو یانە بەهێز ن و خاوەنی چەندین یاریزانی بەتوانا و ئاست بەرزن، ئینتەر هەمیشە یانەیەكی بەهێز بوەو دڵخۆشم بەوەی لەو یارییەدا بەشداری دەكەم و دڵنیام لەوەی لە تەواوی جیهانەوە هاندەران بینەری ئەو یارییە دەبن".

لەكۆتایدا ساری وتی.."دۆراندن لەم یارییە كاریگەری بەسەرمانەوە نابێت، چونكە ئەگەر كاریگەری هەبێت ئەوە مانای ئەوەیە كە ئێمە لە روی دەرونییەوە ئامادە نین".

ئەنتۆنیۆ كۆنتی راهێنەری یانەی ئینتەرمیلانیش لە لێدوانێكیدا وتی.. "یارییەكەمان بەرامبەر یۆڤانتۆس یارییەكی جوان دەبێت و لە تەواوی جیهاندا بینەرێكی زۆری دەبێت، خەڵێكێكی زۆر دەیانەوێت بیبینن، چونكە شەڕە لەسەر پێشەنگی خولێكی بەهێز و گەورە، هەرچەندە  هێشتا زۆر یاری گرنگترمان له‌پێشن و جارێ لە مانگی ئۆكتۆبەراین".

سەبارەت بە هەڵوێستی سەرۆكی یانەی یۆڤانتۆس كۆنتی وتی.. "به‌داخه‌وه بیستم كە ئانێلی داوای كردوە وێنەكانی من لە یاریگەی یۆڤانتۆس ئەرێنا لابەرن‌، نه‌ده‌بوایه‌ سه‌رۆكی یوڤێ باس له‌و پرسه‌ بكات كه‌ هه‌ندێك كه‌سی دوژمنكارانه‌ داوایانكردوه‌ وێنه‌ی من له‌نێو یاریگه‌ی یوڤێنتوس لاببه‌ن، چونكه‌ ئه‌و نابێت ده‌ست بخاته‌ نێو ئه‌و كارانه‌، ئه‌و گرنگی به‌و داواكارییه‌ی خه‌ڵكانێك دا، كه‌ هیچ به‌هایه‌كیان نییه و هیچ لە ژیانی پیشەگەری وەرزشكاران تێناگەن".

راهێنه‌رەكەی ئینتەر وتیشی.. "نه‌زان و گه‌مژه‌ن ئه‌وانه‌ی پێیانوایه‌ من خیانه‌تم له‌ یوڤێنتوس كردوه‌، چونكە ئەمە ژیانی پیشەگەری تۆپی پێ یەو هەمو ئەگەرێك كراوەیە".

كۆنتی لە كۆتایدا وتی.." بینینی هەندێك شت زۆر پەشیمانی كردمەوە لەوەی كە لە ئینگلتەراوە گەڕامەوە بۆ ئیتاڵیا، بەڵام ئامانجی من بۆ وه‌رزش له‌م شتانه‌ گه‌وره‌ترە، هیوام وایە كە هەمو شتێك بەرەو باشی بچێت".


نیشانەکردن :

#ئینتەر #یۆڤانتۆس

Copyright © 2017 Xendan.org all rights reserved

designed and developed by AVESTA GROUP