كریستیانۆ داوای یاریزانێكی چێڵسی دەكات

10/5/2019 1:56:00 PM 9894 جار خوێندراوەتەوە

خەندان سپۆرت

 

راپۆرتی رۆژنامەكانی ئیتاڵیا ئاشكرایان كردوە كە یەكێك لە یاریزانەكانی یانەی چێڵسی بوەتە جێگەی بایەخ و گرنگی پێدانی یانەی یۆڤانتۆسی ئیتاڵی و ئەگەری هەیە كاربەدەستانی ئەو یانەیە هەوڵەكانیان بخەنە گەڕ لە پێناو گواستنەوەی..

پێگەی كاڵچۆ مێركادۆتی ئیتاڵی رایگەیاندوە كە كریستیانۆ رۆنادۆی پورتوگالی و یاریزانی یانەی یۆڤانتۆسی ئیتاڵی داوای لە ساری راهێنەری یانەكەی كردوە لە پێناو بەهێزكردنی هێڵی پێشەوەی یانەكەی ئەستێرەیەكی یانەی چێڵسی بەرەو ریزەكانی یانەكەی بگوازێتەوە لە گواستنەوەی زستانەدا.

هەمان سەرچاوە ئەوەشی ئاشكرا كردوە كە ئەو یاریزانەی كریستیانۆ داوای دەكات ویلیانی بەرازیلیە كە لە ئێستادا یاریزانی چێڵسیە و یەكێكە لە ئەستێرەكانی ئەو یانەیە، جگە لە یۆڤانتۆسیش یانەی بەرشەلۆنە یەكێكی دیكەیە لەو یانانەی لە هەوڵەكانی چاودێری دۆخی یاریزانەكە دەكەن لەگەڵ یانەكەی.

ویلیان گرێبەستەكەی لە هاوینی 2021 لەگەڵ یانەی بلوز كۆتایی دێت و لە چەند رۆژی رابردوشدا رۆژنامەكانی ئینگلتەرا ئاشكرایان كردوە كە ئەو یاریزانە سەرجەم گفتوگۆكانی نوێكردنەوەی بۆندەكەی لەگەڵ یانەی چێڵسی ڕەتدەكاتەوە.



Copyright © 2017 Xendan.org all rights reserved

designed and developed by AVESTA GROUP