ریاڵ مەدرید لە زستاندا گۆڕانكاری دەكات

10/3/2019 2:01:00 PM 16464 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە كە یانەی ریاڵ مەدریدی ئیسپانی لە ئێستاوە پلان بۆ ئەوە دادەنێت كە لە گواستنەوەی زستانەدا یاریزانی نوێ بۆ ریزەكانی یانەكەی بگوازێتەوەو لەگەڵ ئەوەشدا دەست بەرداری دو یاریزانی یانەكەی بێت.

رۆژنامەی ماركای ئیسپانی لە ژمارەی ئەمرۆیدا ئاشكرایكردوە، كە بەرپرسانی یانەی ریاڵ مەدرید پلانی نوێیان هەیە بۆ گواستنەوەی زستانەی یاریزانان و بە نیازن یاریزانێكی نوێ بۆ هیڵی ناوەندی یانەكەیان بگوازنەوە.

ماركا ئەوەشی ئاشكراكردوە، كە یانەی شاهانە دەست بەرداری دو یاریزانی یانەكەی دەبێت و لە بەرامبەریشدا دو یاریزانی دەست نیشان كردوە بۆ ئەوەی یەكێكیان بۆ ریزەكانی یانەكەی بگوازێتەوە، كە ئەوانیش ئیریكسنی یاریزانی یانەی تۆتنهامی ئینگلیزیە لەگەڵ ڤان دی بیكی یاریزانی هێڵی ناوەندی یانەی ئەیاكس ئەمستردامی هۆڵەندی.

بەهۆی خراپی ئەنجامەكانی یانەی ریاڵ مەدریدی ئیسپانی لە یارییەكانی خولی یانە پاڵەوانەكانی ئەوروپا زینەدین زیدانی فەرەنسی لە هەوڵی ئەوەدایە یاریزانێك بۆ هێڵی ناوەندی یانەكەی بگوازێتەوە لە پێناو چارەسەركردنی كێشەكانی یانەكەی، كە تا ئێستا لە چامپیۆنس لیگ دو یاریی ئەنجامداوە تەنها یەك خاڵیان بەدەست هێناوەو پلەی چوارەمی كۆمەڵەكەی خۆیان گرتوە.



Copyright © 2017 Xendan.org all rights reserved

designed and developed by AVESTA GROUP