لێدوانی مێسی دوای بردنەوەیان لە ئینتەرمیلان

10/3/2019 12:37:00 PM 5283 جار خوێندراوەتەوە

خەندان سپۆرت

 

شەوی رابردو لە چوارچێوەی یارییەكانی خولی یانە پاڵەوانەكانی ئەوروپا و لە گەڕی دوەمی قۆناغی كۆمەڵەكانی خولی یانە پاڵەوانەكانی ئەوروپا یانەی بەرشەلۆنە لە نێو یاریگە و هاندەرانی خۆی میواندای یانەی ئینتەر میلانی كرد و یارییەكەشی بە ئەنجامی (2-1) گۆڵ لێبردەوە.

دوای یارییەكە و لە لێدوانێكیدا مێسی وتی.. " پاش بەرامبەر بونمان لەگەڵ بڕوسیا دۆرتمۆند زۆر پێویست بو ئەم یارییە ببینەوە، دڵخۆشم بەوەی بە تەواوی كاتی یارییەكە بەشداریم كرد، هەرچەندە هەستم بە ماندوبونێكی زۆركرد، بەڵام ئەمە پێویست بو بۆ ئەوەی بگەڕێمەوە سەر ئاستی ئاسایی یاریكردنی خۆم".

كاپتنەكەی بەرشەلۆنە وتیشی.. "ئێمە وەك یاریزانانی یانەی بەرشەلۆنە پەیوەندییەكی پتەو هەیە لە ێواننماندا و لەگەڵ ئەوەشدا پەیوەندییەكی زۆر باشمان لەگەڵ سەرۆكایەتی و دەستەی كارگێڕی یانەكەماندا هەیە و هیچ كێشەیەك نیە لە نێوانماندا".

لە كۆتایشدا مێسی باسی لە پەیگریزمان و ڤیداڵ كرد و وتی.."لەگەڵ گریزمان پەیوەندییەكی زۆرباشمان هەیە و كێشە نیە لە نێوانماندا، بونی ڤیداڵ بۆ یانەكەمان گرنگە و ئەو شەڕانگێزە و رۆڵێكی باش دەبینێت لە كەمكردنەوەی فشار لەسەر یانەكەمان".



Copyright © 2017 Xendan.org all rights reserved

designed and developed by AVESTA GROUP