بۆناڤینتۆرا نهێنی ئاهەنگگێرانەكەی ئاشكرا دەكات

10/2/2019 3:28:00 PM 3610 جار خوێندراوەتەوە

خەندان سپۆرت

 

شەوەی رابردو لە یارییەكانی خولی یانە پاڵەوانەكانی ئەوروپا و لە گەڕی دوەمی قۆناغی كۆمەڵەكاندا، بۆناڤینتۆرا دوای ئەو گۆڵەی لە ریاڵ مەدریدی ترماركرد هەمان ئاهەنگگێڕانەکەی کریستیانۆ رۆناڵدۆی دوبارەکردەوە كە لە كاتی تۆماركردنی گۆڵدا خۆی نمایش دەكات.

یانەی ریال مه‌دریدی ئیسپانی له‌سه‌ر یاریگه‌ی سانتیاگۆ برنابیۆ میوانداری كلو‌ب برۆجی به‌لجیكی كرد و یارییه‌كه‌ به‌ ئه‌نجامی دو گۆڵ بۆ هه‌ردولا كۆتاییهات، كه‌ ئیمانوێل بۆناڤینتۆرا دینیس لەو یارییەدا توانی دوجار تۆڕی گۆڵی یانەی شاهانە بهه‌ژێنێت.

دوای یارییەكە و لە لێدوانێكیدا ئەو هێرشبەرە نەیجیرییە وتی.. "من هەمیشە هاندەری کریستیانۆ رۆناڵدۆ بوم، من زۆرم ئەو یاریزانە خۆش دەوێت و بەرای باشترین یاریزانە لە جیهاندا، زۆرم پێناخۆش بوو کە ریاڵ مەدرید جێهێشت، بۆیە بڕیارمدابو ئەگەر گۆڵ تۆماربکەم وەکو ئەو ئاهەنگ بگێڕم، بۆ ئەوەی هاندەرانی یانەی ریاڵ مەدرید بزانن كە چیان لەدەستداوە".

ئەم هێرشبەرە نەیجیرییە تەمەنی 22 ساڵە و لە خولی یانە پاڵەوانەكانی ئەوروپا بە كۆكردنەوەی دو خاڵ ریزبەندی دوەمی كۆمەڵەی یەكەمیان گرتوەو ریاڵ مەدریدیش تەنها یەك خاڵی هەیە و لە پلەی چوارەمدایە.



Copyright © 2017 Xendan.org all rights reserved

designed and developed by AVESTA GROUP