یاریزانێكی دیكەی ریاڵ مەدرید دوچاری پێكان هات

10/2/2019 2:38:00 PM 3712 جار خوێندراوەتەوە

خەندان سپۆرت

 

ناچۆ فێرناندێزی یاریزانی یانەی ریاڵ مەدریدی ئیسپانی چوە نێو لیستی یاریزانە پێكراوەكانی یانەی ریاڵ مەدرید و لە نێوان دو بۆ سێ هەفتە لە یاریگەكان دوردەكەوێتەوە.

ناچۆ لە یارییەكانی سەرەتای وەرزەوە بەشداری یاریی یانەكەی نەكردوە، بەڵام بە هۆی پێكانی فیرلاند مێندی و مارسێلۆوە لە سێ یاریی رابردوی یانەكەی بەشداری كردوە، لە بەرامبەر یانەی كلوب بروج تەنها نیوەی یەكەم بەشداری كردو بەهۆی پێكانەوە یاریگەی جێهێشت و مارسیلۆ جێگەی گرتەوە كە تازە لە پێكانەكەی چاكبۆتەوە.

ناچۆی تەمەن 29 ساڵ ئەمرۆ دەست بە قۆناغی چارەسەری پێكانەكەی دەكات و ئەگەری هەیە پێویستی بە 12 هەفتە هەبێت بۆ چاكبونەوەی لە پێكانەكەی.

دوای پێكانی ئەم یاریزانە زیدان پشتی بە تواناكانی مارسێلۆ بەست لە نیوەی دوەمی یارییەكەیان بەرامبەر كلوب بروج، ئەگەری زۆرە ئەو یاریزانە بەرازیلییە بۆ یاریی یانەكەی بەرامبەر گرانادا بە شێوەیەكی سەرەكی بەشداری پێبكرێت.


نیشانەکردن :

#ریال مەدرید

Copyright © 2017 Xendan.org all rights reserved

designed and developed by AVESTA GROUP