بەرشەلۆنە و ریاڵ مەدرید كێبركێی یەكتر دەكەن لە پێناو بەهرەمەندێك

10/2/2019 1:26:00 PM 13492 جار خوێندراوەتەوە

خەندان سپۆرت

 

راپۆرتی رۆژنامەوانییەكانی ئیسپانیا ئاشكرایان كردوە، كە كێبركێیەكی توند هەیە لە نێوان بەرپرسانی یانەی ریاڵ مەدرید و یانەی بەرشەلۆنە لە پێناو گواستنەوەی مباپێی نوێ بۆ ریزەكانی یانەكەیان.

رۆژنامەی دۆن باڵۆنی ئیسپانی ڕایگەیاندوە، كە یانەی بەرشەلۆنە و ڕیاڵ مەدرید نێردراوی تایبەتیان ناردوە بۆ ئەوەی لە یارییەكەی سلاڤیا براگ و بڕوسیا دۆرتمۆند ئامادەبن بە مەبەستی چاودێریكردنی یوسوفا موكۆكۆ.

موكۆكۆ لە ریزەكانی یانەی بڕوسیا دۆرتمۆند یاریی دەكات و لە دایك بوی ساڵی 2004و خاوەنی خێراییەكی زۆرەو لە ساڵی رابردو 50 گۆڵی تۆمار كرد لە لە كۆی 30 یاریی كە بۆ یانەكەی ئەنجامیدا بۆ یاریزانانی خوار تەمەن 17 ساڵ.

رۆژنامەكە ئەوەشی ئاشكراكردوە كە جگە لە دو یانە گەورەكەی ئیساپانیا موكۆكۆ بۆتە جێگەی بایەخ و گرنگیپێدان لای یانەكانی بایرن میونشن و چێڵسی و لێڤەرپوڵ و پاریس سان جێرمان.


نیشانەکردن :

#بەرشلۆنە #ریال مەدرید

Copyright © 2017 Xendan.org all rights reserved

designed and developed by AVESTA GROUP