ڤیدیۆ.. بایرن میونشن سەركەوتنێكی گەورەی بەسەر تۆتنهام تۆماركرد

10/2/2019 10:11:00 AM 1256 جار خوێندراوەتەوە

خەندان سپۆرت

 

لە چوارچێوەی یارییەكانی خولی یانە پاڵەوانەكانی ئەوروپا و لە قۆناغی كۆمەڵەكان و لە گەڕی دوەمدا و لە یارییەكانی كۆمەڵەی دوەم، یانەی بایرن میونشن بوە میوانی یانەی تۆتنهامی ئینگلیزی.

لە نیوەی یەكەمی یارییەكەدا سەرەتا یانەی خاوەن یاریگە دەستپێشخەری كرد لە تۆماركردنی گۆڵ و لە خولەكی (12) مین سۆن گۆڵی پێشكەوتنی تۆماركرد، بەڵام دوای تەنها سێ خولەك لەم گۆڵە كیمیچ گۆڵی بەرامبەری بۆ یانەی بایرن میونشن تۆماركردەوە، لە دوا خولەكی نیوەی یەكەمی یارییەكەشدا رۆبێرت لیڤاندۆڤسكی گۆڵی دوەمی بۆ یانە ئەڵمانییەكە تۆماركرد.

لە نیوەی دوەمی یارییەكەشدا لە خولەكەكانی (53 و 55)ی یارییەكەدا گنابری دو گۆڵی دیكەی بۆ یانە پاڤارییەكە تۆماركرد، لە خولەكی (61) هاری كەین بە لێدانی سزا گۆڵێكی بۆ یانەی خاوەن یاریگە تۆماركرد، بەڵام یاریزانانی یانەی بایرن میونشن بە سێ گۆڵی دیكە وەڵامی هاری كەینیان دایەوەو لە خولەكەكانی (83و 87 و 88) گنابری دو گۆڵی دیكەی تۆماركردو لیڤاندۆڤسكیش گۆڵێكی تۆماركرد.

سەرئەنجام یارییەكە بە (7-2) گۆڵ لە بەرژەوەندی یانەی بایرن میونشنی ئەڵمانی كۆتایهات و بەمبردنەوەیەش یانە پاڤارییەكە شەش خاڵی كۆكردۆتەوەو ریزبەندی دوەمی كۆڵەكەی خۆی گرتوە.



Copyright © 2017 Xendan.org all rights reserved

designed and developed by AVESTA GROUP