ساری نهێنیەكی تیمەكەی ئاشكرادەكات

10/1/2019 11:01:00 AM 1838 جار خوێندراوەتەوە

خەندان سپۆرت

 

ماریسیۆی ساری راهێنەری یانەی یۆڤانتۆسی ئیتاڵی بۆ یارییەكەی ئەمشەویان بەرامبەر یانەی لێڤەركۆزن باس لە بیرۆكەی پشت بە ستن بە سێ هێرشبەری یانەكەی دەكات.

یانەی یۆڤانتۆس لە یەكەمین یاریی خۆیدا لە خولی یانە پاڵەوانەكانی ئەوروپا بەرامبەر یانەی ئەتلەتیكۆ مەدریدی ئیسپانی یاریی كردو هەردو یانەش بە دو گۆڵ هاوتا بون.

یانەی یۆڤانتۆس خاوەنی هێڵێكی هێرشبەری پتەوەو چەند یاریزانێكی بەتوانا لە یانەكە بونیان هەیەو بەردەوام پرسیاری ئەوە ئاڕاستەی ساری دەكرا كە بۆ پێكەوە پشت بە رۆناڵدۆ و هیگواین و دیبالا نابەستێت.

لە وەڵامی ئەو پرسیارەشدا راهێنەرەیكەی یانەی یۆڤانتۆس لە كۆنفرانسی رۆژنامەوانی یانەكەی پێش یارییەكەان بەرامبەر بایەر لێڤەركۆزن وتی.. "یاریكردنی رۆناڵدۆ و هیگواین و دیبالا پێكەوە بیرۆكەیەكی جوانە، بەڵام جارێ ئێمە ئامادە نین بۆ ئەوە، دەكرێت ئەو ئەزمونە تاقی بكەینەوە، بەڵام ئەم پاڵەوانەێتەیە كاتی تاقیكردنەوە نیە".

هەروەها ساری وتیشی.. " بێگومان یارییەكی قورس چاوەڕێمانە، بەرامبەرەكەمان یانەیەكی بەهێزە، یەكێكە لە باشترین یانەكانی بۆندس لیگا، خاوەنی توانای هونەری زۆر بەرزن".

ئەو راهێنەرە وتیشی.." ئەمە یەكەمین یاریمانە لە چامپیۆنس لیگ لە یاریگەی خۆمان ئەنجامی بدەین، چاوەڕێی ئەنجامێكی باش دەكەین و هەوڵی بەدەستهێنانی سێ خاڵی یارییەكە دەدەین".



Copyright © 2017 Xendan.org all rights reserved

designed and developed by AVESTA GROUP