لێدوانی رۆژنامەوانی گواردیۆلا

9/30/2019 5:50:00 PM 1644 جار خوێندراوەتەوە

خەندان سپۆرت

 

بڕیارە سبەی لە قۆناغی كۆمەڵەكانی خولی یانە پاڵەوانەكانی ئەوروپا یانەی مانچستەر سیتی لە یاریگەی خۆی بەرامبەر یانەی دینامۆزەگرەبی كرواتی یاریی بكات.

پێش یارییەكە و لە لێدوانێكی رۆژنامەوانیدا گواردیۆلا وتی.. "دینامۆ تیپێکی زۆر بەهێزن و بەردەوام بە رۆحیەتێكی شەڕانگێزییەوە یاریی دەكەن و لە هێڵی ناوەند خاوەنی كۆمەڵێك یاریزانی باشن و لە یاریی یەكەمیاندا سەركەوتنێكی بەنرخیان بەسەر ئەتلەنتا تۆماركرد، دو یاریی داهاتو لە یاریگەی خۆمانداین و دەرفەتێكی زۆر باشە بۆ ئەوەی خاڵ كۆبكەینەوە".

گواردیۆلا لە بەشێكی دیكەی قسەكانیدا باسی لە ئامانجی یانەكەی كرد و وتی.. "من بە مەرجی بەدەستهێنانی نازناوی چامپیۆنس لیگ ئەركی راهێنانی یانەی مانچستەرسیتم وەرنەگرتوە، کاتێک خەلدون ئیبراهیم منی کردە راهێنەری بە منی نەوت دەمەوێت چامپیۆنس لیگ بەدەستبهێنیت، بەڵکو وتی ئێمە پرۆژەیەکی نوێمان هەیە، راستە هاندەران دەیانەوێت چامپیۆنس لیگ بەدەست بهێنین، بەڵام بێ ئەوان ئێمە ناتوانین هیچ بکەین، گەر ئەمساڵ نەمانتوانی چامپیۆنس لیگ بەرین ساڵی داهاتو جارێكی دیكە هەوڵ دەدەینەوە، ئەوان نازناوی پریمەرلیگی سێیەمیان لە چامپیۆنس لیگ پێباشترە".

ئەو راهێنەرە ئیسپانیە لە بارەی یاریزانانی یانەكەیەوە وتی.. " چاوەڕێی گەڕانەوەی فێرناندینۆ دەکەین،  ئۆتامێندی توانایەکی باشی هەیە لە بەرگریدا، ئەم وەرزە ژمارەیەکی زۆر یاریی بەشداری کردوە،  تاکە رێگە بۆ دڵخۆشکردنی هاندەران ئەوەیە بە باشی یاریی بکەین، چونكە كاتێك مانچستەریونایتد و لێڤەرپوڵ گەورەی ئەوروپا بون و بە ئەوروپادا دەسوڕانەوە، هاندەرانی مانچستەر سیتی لە پشتی تەلبەندەكانی یاریگەوە بینەری یارییەكان دەبون".



Copyright © 2017 Xendan.org all rights reserved

designed and developed by AVESTA GROUP