لێدوانی رۆژنامەوانی زیدان

9/30/2019 4:00:00 PM 4110 جار خوێندراوەتەوە

خەندان سپۆرت

 

لە چوارچێوەی یارییەكانی خولی یانە پاڵەوانەكانی ئەوروپا و لە قۆناغی كۆمەڵەكانی ئەو پاڵەوانێتیەدا یانەی ریاڵ مەدرید لە دوەمین یاریی خۆیدا سبەی بەرامبەر یانەی كلوپ بروجی بەلجیكی یاریدەكات.

پێش ئەنجامدانی یارییەكە و لە كۆنفرانسێكی رۆژنامەوانیدا زیدانی راهێنەری یانەی ریاڵ مەدرید وتی.." سبەى ئێمە هيچ بژاردەى ديكەمان لەبەردەم نيە جگە لە بردنەوە یان بردنەوە، گرنگترین دۆخ بۆ ئێمە بردنەوەیە، چونكە ئێمە ئێستا لە ریزبەندی چوارەمی كۆمەڵەكەمانداین، زۆر بە خراپی دەستمان پێكرد و پێویستە سبەی بە باشی دەربكەوین".

راهێنەرەكەی ریاڵ مەدرید وتیشی.."كاتێك تۆ يارى دەكەيت بۆ ڕياڵ مەدريد پێويستە ئارەق بڕێژیت لە پێناو ئەو درێسە، تۆ هەميشە ناتوانيت ببەيتەوە، بەڵام تۆ پێويستە هەموو شتێك پێشكەش بكەيت".

زیدان لە بارەی سێرجیۆ رامۆسەوە وتی.. "سێرجیۆ سێرجیۆییە، ئەو كاپتنى تیمەكەمانە، ئەو سەركردەى يانەكەيە، ئەو جگە لە ریاڵ مەدرید لە هیچ جێگەیەكی دیكە نابینرێت".

زیدان سەبارەت بە هازارد وتی.. " ئەوەی بەسەر هازارد دێت، بەسەر منیش هات كاتێك یاریزانی یانەی ریاڵ مەدرید بوم، بەڵام گومان لەوەدا نیە كە هازارد دەتوانێت لەگەڵ یانەی ریاڵ مەدرید سەركەوتو بێت".



Copyright © 2017 Xendan.org all rights reserved

designed and developed by AVESTA GROUP