لێدوانی رۆژنامەوانی هازارد

9/30/2019 3:18:00 PM 1906 جار خوێندراوەتەوە

خەندان سپۆرت

 

لە میانەی یارییەكانی خولی یانە پاڵەوانەكانی ئەوروپا و لە قۆناغی كۆمەڵەكانی خولی یانە پاڵەوانەكانی ئەوروپا یانەی ریاڵ مەدرید لە دوەمین یاریی خۆیدا سبەی بەرامبەر یانەی كلوپ بروجی بەلجیكی یاریدەكات.

پێش ئەنجامدانی یارییەكە و لە كۆنفرانسێكی رۆژنامەوانیدا هازارد وتی.. "من هاندەرانی یانەی ریاڵ مەدرید سەربەرز دەكەم، پێشتر هاندەران منیان بینیوە كە لەگەڵ چێڵسی و بەلجیكا چۆن یارییم كردوە، بۆیە ئێستا كاتی ئەوەیە بە باشترین ئاست دەربكەوم".

ئەو یاریزانەی یانەی ریاڵ مەدرید وتیشی.. " دوای ئەو شكستەی لە بەرامبەر پاریس سان جێرمان دوچارمان بۆوە، پێویستە بگەڕێینەوە سەر رێچكەی سەركەوتن لە پێناو گەیشتن بە قۆناغی داهاتوی پاڵەوانێتییەكە، وە دڵنیام كە سەردەكەوین، هاندەرانی یانەی ریاڵ مەدرید چاوەڕێ دەكەن كە من هاتریك تۆمار بكەم، من ئەوە ئەنجام دەدەم، بەڵام پێویستە كەمێك زیاتر چاوەڕێ بكەن".

لە كۆتایدا هازارد وتی.." خەونی من لەگەڵ یانەی ریاڵ مەدرید بەدەستهێنانی نازناوی خولی یانە پاڵەوانەكانی ئەوروپایە، كاتێك تۆ یاریی بۆ یانەیەكی وەك ریاڵ مەدرید دەكەیت، پێویستە بیر لە ئامانجی گەورە بكەیتەوە، من متمانەم بە خۆم هەیە كە بتوانم لەگەڵ یانەكەم ببمە باشترین یاریزانی جیهان".



Copyright © 2017 Xendan.org all rights reserved

designed and developed by AVESTA GROUP