رۆیس.. هیوادارم مێسی یاریی بكات و لێیان بەرینەوە

9/16/2019 4:12:00 PM 3025 جار خوێندراوەتەوە

خەندان سپۆرت

 

لەچوارچێوەی یارییەكانی خولی یانە پاڵەوانەكانی ئەوروپا و لە قۆناغی كۆمەڵەكاندا سبەی یانەی بروسیا دۆرتمۆند بەرامبەر یانەی بەرشەلۆنەی ئیسپانی یاریی دەكات.

یارییەكە لەسەر یاریگەی یانەی بروسیا دۆرتمۆند ئەنجام دەدرێت و پێش ئەنجامدانی ئەو یارییەش لە كۆنگرەیەكی رۆژنامەوانیدا ماركۆ ریۆس وتی.. " زۆر دڵخۆش دەبم ئەگەر لە یارییەكەی سبەی مێسی یاریبكات بەرامبەرمان، چونكە ئەو باشترین یاریزانە لە جیهانداو بردنەوە لە بەرشەلۆنە كاتێك مێسی یاریی بكات چێژی زیاترە".

ماركۆ وتیشی.. " پیكێ چاوەڕوانی پاكۆ ئەلكاسێری هاوڕێی دەكات، ئەو یاریزانێكی زۆر باشەو یارمەتیدەرێكی گرنگە بۆ ئێمە، بە تایبەت لەم یارییەدا، چونكە ئەلكاسێر بە باشی یاریزانانی یانەی بەرشەلۆنە دەناسێت و شێوازی یاریكردنیان دەزانێت".

لە كۆتایدا ئەو یاریزانە ئەڵمانیە وتی.. "سبەی یارییەكی زەحمەت چاوەڕێمان دەكات، پێویستە هەمو تواناكانی خۆمان بخەینە گەڕ لە پێناو سەركەوتن لەو یارییەدا". 



Copyright © 2017 Xendan.org all rights reserved

designed and developed by AVESTA GROUP