فاتی مانگێك لە بەرشەلۆنە دوردەكەوێتەوە

9/16/2019 2:36:00 PM 8686 جار خوێندراوەتەوە

خەندان سپۆرت

 

ئەنسۆ فاتی یاریزانە تەمەن شانزە ساڵەكەی یانەی بەرشەلۆنە بۆ ماوەی یەك مانگی تەواو لە ریزەكانی یانەی بەرشەلۆنە دور دەكەوێتەوەو بەشداری حەوت یاریی داهاتوی یانەكەی ناكات.

رۆژنامەی سپۆرتی كەتەلۆنی ئاشكرایكردوە، كە ئەو یاریزانە لاوە نزیكە‌ لەوەی له‌گه‌ڵ هه‌ڵبژارده‌ی تازه‌پێگه‌یشتووانی ئیسپانیا به‌شداری له‌ مۆندیالی تازه‌پێگه‌یشتوان بكات، كه‌ له‌ 26/10/2019 له‌ به‌رازیل ده‌ستپێده‌كات و له‌ 17/11/2019 كۆتایپێدێت.

هەمان سەرچاوە ئەوەشی ئاشكراكردوە، كە ئەو یاریزانە بەمنزیكانە دەبێتە خاوەن رەگەزنامەی ئیسپانی و لە ئەگەری وەرگرتنی ڕەگەزنامەی ئیسپانی ئەوا بەشداری ئەو مۆندیالە دەكات.

فاتی لە پێنج یاریی لا لیگادا بەشداری ناكات كە پێك دێن لە یارییەكانی ئیبار و ریاڵ مەدرید و بەلەد وەلید و لیڤانتی و سێلتاڤیگۆ، بۆ چامپیۆنس لیگیش بەشداری هەردو یارییەكەی سلاڤیا براگ ناكات.

فاتی به‌ڕه‌گه‌ز خه‌ڵكی وڵاتی غینیایه‌، كاتێك ته‌مه‌نی 6 ساڵان بوه‌ له‌گه‌ڵ خێزانه‌كه‌ی چونه‌ته‌ ئیسپانیا، له‌ ته‌مه‌نی 10 ساڵیدا په‌یوه‌ندی به‌ ئه‌كادیمیای تۆپی پێی بەرشەلۆنەوە‌ كردوه‌، باوكیشی چه‌ند ساڵێك له‌ پورتوگال كاری كردوه‌، بۆیه‌ یەكێتی تۆپی پێی ئه‌و وڵاته‌ش زۆر هه‌وڵیدا ڕەگەزنامەی پورتوگالی به‌ فاتی بدات، به‌ڵام‌ فاتی بڕیاریدا یاریی بۆ هه‌ڵبژارده‌كانی ئیسپانیا بكات.


نیشانەکردن :

#بەرشلۆنە #ئیسپانیا

Copyright © 2017 Xendan.org all rights reserved

designed and developed by AVESTA GROUP