پاریس بە برینداری بەرامبەر ریاڵ مەدرید یاریی دەكات

9/16/2019 12:27:00 PM 5288 جار خوێندراوەتەوە

خەندان سپۆرت

 

بریارە سبەی یارییەكانی وەرزی نوێی خولی یانە پاڵەوانەكانی ئەوروپا دەستپێبكات و لە قۆناغی كۆمەڵەكاندا چەندین یاریی گرنگ و بەهێز بەرێوە بچێت.

رۆژی چوارشەممە یانەی پاریس سان جێرمان لە یاریگەی خۆیدا میوانداری یانەی ریاڵ مەدریدی ئیسپانی دەكات لە یەكەمین یاریی كۆمەڵەكەیاندا.

پاریس بۆ ئەم یارییە كێشەی زۆری هەیە لە هێڵی پێشەوەیدا، مباپێ بەهۆی پێكانەوە بەدشاری ناكات و كاڤانیش بە تەواوەتی چاك نەبۆتەوە لە پێكانەكەی و دەبێت لەسەر كورسی یەدەگ دابنیشێت، نێیمار وەرزی رابردوی چامپیۆنس لیگ بەهۆی رەخنەی لە ناوبژیوانەوە بۆ سێ یاریی سزادراوەو ناتوانێت لە سێ یاریی سەرەتای یانەكەی بۆ وەرزی نوێ بەشداری بكات.

راهێنەر بە ناچاری دەبێت پشت بە تواناكانی ئیكاردی ئەرجەنتینی ببەستێت كە ئەو یاریزانە تازە پەیوەندی بە یانەكەوە كردوەو هێشتا نەیتوانیوە بە شێوەیەكی باش خۆی لەگەل یاریزانانی یانە نوێكەی بگونجێنێت. 



Copyright © 2017 Xendan.org all rights reserved

designed and developed by AVESTA GROUP