ئیبراهیمۆڤیچ سەركەوتنێكی گەورەی بۆ یانەكەی تۆماركرد

9/16/2019 11:26:00 AM 3709 جار خوێندراوەتەوە

خەندان سپۆرت

 

لە یارییەكانی خولی ئەمریكادا زڵاتان ئیبراهیمۆڤیچ بە تۆماركردنی هاتریكێك بوە هۆكار بۆ ئەوەی یانەكەی سەركەوتنێكی گەورە تۆماربكات.

لە خولی یانەكانی ئەمریكا یانەی لۆس ئەنجلس گالاكسی لە نێو یاریگە و هاندەرانی خۆیدا میوانداری یانەی سپۆرتینگ كانساس سیتی كردو یارییەكەشی بە ئەنجامی گەورەو بە حەوت گۆڵ بەرامبەر بە دو گۆڵ لێبردەوە.

ئیبرا لەم یارییەدا رۆڵێكی كاریگەری بینی و توانی هاتریك بۆ یانەكەی تۆماربكات، بەمەش بوە یەكەمین یاریزان لە مێژوی یانەكەدا كە تەنها لە یەك وەرزدا بتوانێت 26 گۆڵ تۆماربكات.

دوای چوار بردنەوەی لەسەر یەك لۆس ئه‌نجلس گالاكسی جارێكی دیكه‌ گه‌یشته‌ پله‌ی پێنجه‌می كۆمه‌ڵه‌ی رۆژئاوا له‌ خولی ئه‌مریكی، كه‌ یانه‌ی سان خۆسێ به‌ خاڵێك و پۆرتلاندیش به‌ 2 خاڵ له‌پێش یانەكەی ئیبراوەن.



Copyright © 2017 Xendan.org all rights reserved

designed and developed by AVESTA GROUP