ڤیدیۆ.. نۆریچ سیتی ئەنجامێكی چاوەڕواننەكراوی بەسەر مانچستەرسیتی تۆماركرد

9/14/2019 9:05:00 PM 1508 جار خوێندراوەتەوە

خەندان سپۆرت

 

لەچوارچێوەی یارییەكانی هەفتەی پێنجەمی خولی پریمەرلیگ، یانەی نۆریچ سیتی لە نێو یاریگە و هاندەرانی خۆیدا میوانداری یانەی مانچستیەرسیتی كرد.

 

لە نیوەی یەكەمی یارییەكە و لە خولەكی (18) كینی ماكلین گۆڵی پێشكەوتنی بۆ یانەی خاوەن یاریگە تۆماركرد، دوای ئەم گۆڵە یاریزانانی یانەی نۆریچ سیتی لە هێرشەكانیان بەردەوام بون، تا لە خولەكی (28) كانتویل گۆڵی دوەمی بۆ یانەكە تۆماركرد، پێش كۆتایهاتنی نیوەی یەكەم، ئەگوێرۆ گۆڵێكی بۆ یانەی میوان تۆماركرد و نیوەی یەكەم بە ئەنجامی (2-1) گۆڵ لە بەرژەوەندی خاوەن یاریگە كۆتایهات.

 

لە نیوەی دوەمی یارییەكەدا و لە خولەكی (50) نۆریچ سیتی لە رێگەی تیمۆ پۆكی گۆڵی سێیەمیان تۆماركرد، دوای ئەم گۆڵە یاریزانانی یانەی مانچستەرسیتی بە تەواوی كۆنتڕۆڵی یاریگەیان كرد لە پێناو هاوتاكردنەوەی ئەنجامەكە، لە خولەكی (88) رۆدریگۆ هێرناندێز گۆڵی دوەمی بۆ مانچستەرسیتی تۆماركرد.

 

سەرئەنجام یاریەیكە بە لە بەرژەوەندی نۆریچ سیتی كۆتایهات بە ئەنجامی (3-2) گۆڵ و یانەی مانچستەر سیتیش لە وەرزی نوێ دوچاری یەكەمین شكست بۆوە.



Copyright © 2017 Xendan.org all rights reserved

designed and developed by AVESTA GROUP