ڤیدیۆ.. ریاڵ بە زەحمەت لە لیڤانتی بردەوە

9/14/2019 8:40:00 PM 2545 جار خوێندراوەتەوە

خەندان سپۆرت

 

لەچوارچێوەی یارییەكانی هەفتەی چوارەمی خولی یانەكانی ئیسپانیا، یانەی ریاڵ مەدرید لە نێو یاریگە و هاندەرانی خۆی بەرامبەر لیڤانتی وەستاییەوە.

 

لە نیوەی یەكەمی یارییەكەدا یاریزانانی یانەی ریاڵ مەدرید بە ئاستێكی بەرز دەركەوتن و كەریم بەنزیما لە خولەكەكانی (25 و 31) دو گۆڵی لەسەر یەكی بۆ یانەكەی تۆماركرد، پاشان لە خولەكی (40) كاسمێرۆ گۆڵی سێیەمی بۆ یانەی شاهانە تۆماركرد و خاوەن یاریگە لە نیوەی یەكەمی یارییەكە بە سێ گۆڵی بێ وەڵام پێشكەوت.

 

لە نیوەی دوەمی یارییەكەدا و دوای تێپەڕبونی تەنها چوار خولەك بۆرخا میۆڕاڵ گۆلێكی بۆ یانەی میوان تۆمار كرد، لە خولەكی (75) گۆنزالۆ میلیرۆ گۆڵی دوەمی بۆ یانەی لیڤانتی تۆماركرد.

 

سەرئەنجام یانەی ریاڵ مەدرید زۆر بە زەحمەت و بە ئەنجامی (3-2) گۆڵ سەركەوتنی بەسەر یانەی لیڤانتی تۆماركرد، لە ئێستاشدا كوڕانی زیدان بە كۆكردنەوەی هەشت خاڵ و بە شێوەیەكی كاتی ریزبەندی دوەمی خولەكەیان گرتوە.



Copyright © 2017 Xendan.org all rights reserved

designed and developed by AVESTA GROUP