ریاڵ مەدرید گرێبەستێكی گەورەی بۆ سەڵاح ئامادەكردوە

9/12/2019 4:08:00 PM 4141 جار خوێندراوەتەوە

خەندان سپۆرت

 

راپۆرتی رۆژنامەكانی ئینگلتەرا ئاشكرایان كردوە كە یانەی ریاڵ مەدریدی ئیسپانی ئامادەی خۆی نیشانداوە لە پێناو گواستنەوەی محمد سەڵاحی ئەستێرەی یانەی لێڤەرپوڵ، گرێبەستێك بە بەهای 210 ملیۆن یۆرۆ پێشكەشی ئەو یانە بكات.

پێگەی لێڤورپوڵ ئیكۆی تایبەت بە هەواڵەكانی یانەی لێڤەرپوڵی ئینگلیزی ئاشكرایكردوە، كە بەرپرسانی یانەی ریاڵ مەدریدی ئیسپانی ئامادەی خۆیان نیشانداوە بۆ ئەوەی لە دوای كۆتای هاتنی یارییەكانی ئەم وەرزە بەهای 210 ملیۆن یۆرۆ بدەنە یانەی لێڤەرپوڵ لە پێناو گواستنەوەی محمد سەڵاح بۆ یانەی شاهانە.

ئەو ئەستێرە میسڕییە لە ساڵی 2017 پەیوەندی بە یانەی لێڤەرپوڵەوە كرد بە بەهای 37 ملیۆن جونەی ئێسترلینی و لە یەكەمین وەرزیشیدا باشترین ئاستی ژیانی وەرزشی خۆی پێشكەش كرد.

سەڵاح لە هاوینی رابردو توانی لەگەڵ یانەی لێڤەرپوڵ نازناوی خولی یانە پاڵەوانەكانی ئەوروپا بەدەستبهێنێت.  



Copyright © 2017 Xendan.org all rights reserved

designed and developed by AVESTA GROUP