رامۆس نامەیەكی كاریگەر بۆ كریستیانۆ دەنێرێت

9/12/2019 12:03:00 PM 27133 جار خوێندراوەتەوە

خەندان سپۆرت

 

سێرجیۆ رامۆسی ئیسپانی و یاریزانی یانەی ریاڵ مەدریدی ئیسپانی دەربارەی كریستیانۆ رۆناڵدۆی یاریزانی یۆڤانتۆس دەڵێت.. ئەو یەكێكە لە باشترین ئەو یاریزانانەی كە درێسی یانەی ریاڵ مەدریدی پۆشوە.

كریستیانۆ رۆناڵدۆ لە ماوەی یاریكردنی بۆ یانەی ریاڵ مەدرید هاوكار بوە بۆ بەدەستهێنانی چوار نازناوی خولی یانە پاڵەوانەكانی ئەوروپا و لەگەڵ ئەوەشدا بە تۆماركردنی 450 گۆڵ بوەتە گۆڵكاری مێژوی یانەی مێرەنگی.

رامۆس لە لێدوانێكیدا بۆ پێگەی فوتبۆڵ ئیتاڵیا وتی.." یاریم لەگەڵ زۆر پاڵەوان ئەنجامداوە، بەڵام رۆناڵدۆ بە دڵنیاییەوە یەكێكە لە باشترین یاریزانەكانی مێژوی ریاڵ مەدرید و مێژوی تۆپی پێ كە یاریم لەگەڵ ئەنجامداوە".

رامۆس وتیشی.. " نابێت رۆناڵدۆی دیاردە و رۆبێرتۆ كارلۆس و زینەدین زیدان و ئیكەر كاسیاس و رائول گۆنزالێس لە یاد بكەین".

كریستیانۆ ڕۆناڵدۆ دوای نۆ ساڵ یاریكردن بۆ یانەی ریاڵ مەدرید لە هاوینی 2018 بە بەهای 100 ملیۆن یۆرۆ پەیوەندی بە یانەی یۆڤانتۆسی ئیتاڵییەوە كرد.



Copyright © 2017 Xendan.org all rights reserved

designed and developed by AVESTA GROUP