یۆڤانتۆس دەیەوێت بێ بەرامبەر دو ئەستێرەیەكی تۆتنهام بگوازێتەوە

9/8/2019 2:17:00 PM 2376 جار خوێندراوەتەوە

خەندان سپۆرت

 

راپۆرتی رۆژنامەكانی ئینگلتەرا ئاشكرایان كردوە كە یانەی یۆڤانتۆسی ئیتاڵی لە ئێستاوە پلان بۆ ئەوە دادەنێت لە هاوینی داهاتودا دو یاریزانی تۆتنهام بەرەو ریزەكانی یانەكەی بگوازێتەوە.

رۆژنامەی دەیلی مەیلی بەریتانی ئاشكرایكردوە، كە یانەی یۆڤانتۆس كار دەكات بۆ گواستنەوەی توبی ئالدرفیریلد و كریستیان ئیریكسنی كە هەردوكیان یاریزانی یانەی تۆتنهامن، بەڵام بەرپرسانی یانە ئیتاڵییەكە دەیانەوێت بە بێ بەرامبەر ئەو دو یاریزانە بۆ ریزەكانی یانەكەیان بگوازنەوە.

یانەی یۆڤانتۆس یەكێكە لەو یانانەی كە بەردەوام كار بۆ گواستنەوەی ئەو یاریزانانە دەكات كە لە یانەكانیان گرێبەستیان كۆتایی دێت و بە شێوەیەكی سەربەست و بە بێ بەرامبەر ریزەكانی یانەكەیانیان جێدەهێڵێن.

لە هاوینی رابردو یۆڤانتۆس ئاندریا رابیۆی فەرەنسی و ئارۆن رامسی یاریزانی یانەی ئارسناڵی بۆ ریزەكانی یانەكەی گواستەوە، هەردو یاریزانەكەشی بە بێ بەرامبەر گواستەوە، ئەمەش وایكردوە كەئەو یانەیە بە پادشای گرێبەسە ئازادەكان ناو دەربكات.



Copyright © 2017 Xendan.org all rights reserved

designed and developed by AVESTA GROUP