بەرشەلۆنە دیارییەكی نوێی بۆ مێسی هەیە

9/8/2019 12:13:00 PM 7734 جار خوێندراوەتەوە

خەندان سپۆرت

 

لە چەند رۆژی رابردودا پیكێ لێدوانێكیداو نهێنییەكی نێو گرێبەستەكەی لیۆنێل مێسی ئەرجەنتینی ئاشكراكرد، كەئەویش سەربەست بونی ئەو یاریزانەیە بەوەی لە كۆتایی هەر وەرزێكدا ئەگەر خۆی بیەوێت دەتوانێت گرێبەستەكەی لەگەڵ یانەی بەرشەلۆنە هەڵبوەشێنێتەوەو یانەكە جێبهێڵێت.

دوای ئەم لێدوانەی پێكێ ترس و دڵەراوكێ تەواوی هندەرانی یانە كەتەلۆنیەكەی گرتەوەو پێیان وایە ئەو یاریزانە هەركات دەرفەتێكی بۆ رێكبكەوێت ئەوا یانەكە جێدەهێڵێت، یاخود ئەگەر كێشەیەكی بێتە بەردەم بێ گومان یانەكە جێدەهێڵێت.

رۆژنامەی سپۆرتی كەتەلۆنی ئاشكرایكردوە، كە لە ئێستادا بەرپرسانی یانەی بەرشەلۆنە خەڵاتێكی تایبەتیان بۆ مێسی ئامادە كردوە، كە ئەویش پێشكەش كردنی گرێبەستێكی نوێ یە بۆ ئەو یاریزانە بە شێوەیەك كە تا وازهێنانی لە یاریكردن لە ریزەكانی یانەی بەرشەلۆنە بەردەوام بێت و گرێبەستەكەی هەڵنەوەشێنێتەوە.

هەمان سەرچاوە ئەوەشی ئاشكراكردوە، كە بارتۆمیۆی سەرۆكی یانەی بەرشەلۆنەی ئیسپانی دۆستایەتیەكی بەهێزی هەیە لەگەڵ خۆرخێ بەڕیوبەر و باوكی لیۆنێل مێسی هەیەو دڵنیاییە لەوەی كە ئەوان پیشەگەرانە مامەڵە دەكەن و لایەنی كەم ئەو یاریزانە تا هاوینی 2022 لەگەڵ یانە كەتەلۆنییەكە بەردەوام دەبێت.



Copyright © 2017 Xendan.org all rights reserved

designed and developed by AVESTA GROUP