كریستیانۆ زۆر نزیكە لە ژمارەیەكی پێوانەیەی

9/8/2019 11:30:00 AM 7106 جار خوێندراوەتەوە

خەندان سپۆرت

 

لە چوارچێوەی یارییەكانی پاڵاوتنی یۆرۆی 2020 شەوی رابردو هەڵبژاردەی سڕبیا لە یاریگەی خۆی میوانداری هەڵبژاردەی پورتوگالی كرد.

نیوەی یەكەمی یارییەكە بە گۆڵێكی ویلیام كارفالۆ و لە بەرژەوەندی پورتوگال كۆتایهات.

لە نیوەی دوەمی یارییەكە و لە خولەكی (58) گۆیدیس گۆڵی دوەمی بۆ پورتوگال تۆماركرد، بەڵام لە خولەكی (68) میلۆنكۆڤچ گۆڵێكی بۆ سربیا تۆماركرد، ئەمجارە رۆناڵدۆ وەڵامی ئەو گۆڵەی سڕبیای داییەوەو لە خولەكی (80) گۆڵی سێیەمی بۆ هەڵبژاردەی میوان تۆماركرد، لە خولەكی (85) میترۆفیچ گۆڵی دوەمی بۆ سڕبیا تۆمار كرد، بەڵام دوای تەنها یەك خولەك بێرناردۆ سیلفا گۆڵی چوارمی بۆ پورتوگالییەكان تۆماركرد و یارییەكەشیان بە ئەنجامی (4-2) گۆڵ لە بەرژەوەندی خۆیان كۆتایی پێهێنا.

رۆناڵدۆ بە تۆماركردنی گۆڵێك لەم یارییە بە تەواوی لە شكاندنی ژمارەیەكی پێوانەی نزیك بۆتەوە، تەنها دو گۆڵی پێویستە بۆ ئەوەی ببێتە گۆڵكاری میژوی یارییەكانی پاڵاوتنی یۆرۆ.


نیشانەکردن :

#یۆرۆی 2020 #کریستیانۆ

Copyright © 2017 Xendan.org all rights reserved

designed and developed by AVESTA GROUP