نادال و میدڤیدێف گەیشتنە كۆتایی ئەمریكا

9/7/2019 12:19:00 PM 849 جار خوێندراوەتەوە

خەندان سپۆرت

 

لە چوارچێوەی یارییەكانی پاڵەوانێتی ئەمریكای كراوە بۆ تێنسی سەر زەوی و لە قۆناغی پێش كۆتایی ئەو پاڵەوانێتیە دو یاریی بەهێز بەرێوەچون.

سەرەتاو لە یاریی یەكەمی قۆناغی پێش كۆتایی یاریزانی روسی میدڤیدێڤی بەرامبەر گریگۆر دیمیترۆفی بولگاری یاریی كرد، یاریزانە روسیەكە زۆر بە ئاسانی و بە سێ كۆمەڵەی بێ بەرامبەر سەركەوتنی بەدەستهێنا، خاڵی كۆمەڵەكانیشی (7-6، 6-4 و 6-3) بون، بەم ئەنجامەش میدڤیدێڤ خۆی گەیاندە یاریی كۆتایی پاڵەوانێتییەكە.

لە دوەم یاریی ئەو قۆناغەدا ڕافائیل نادال بەرانبەر ماتیۆ بێرتینی ئیتاڵی یاریكرد، نادال زۆر بە ئاسانی و بە سێ كۆمەڵەی بێ وەڵام لە یاریزانە ئیتاڵییەكەی بردەوە، خاڵی كۆمەڵەكانیشی (7-6، 6-4 و 6-1) بون، بەم بردنەوەیەش نادال خۆی گەیاندە یاریی كۆتایی ئەو پاڵەوانێتیە.

لەسەر ئاستی كچانیش بیانكا ڤانیسا ئەندریسكۆی كەنەدی و سیرینا ویلیامزی ئەمریكی گەیشتنە یاریی كۆتایی پاڵەوانێتییەكە.


نیشانەکردن :

#تێنسی سەرزەوی

Copyright © 2017 Xendan.org all rights reserved

designed and developed by AVESTA GROUP