ڤیدیۆ.. بەرازیل و كۆڵۆمبیا بە دو گۆڵ هاوتابون

9/7/2019 11:04:00 AM 4394 جار خوێندراوەتەوە

خەندان سپۆرت

 

لەچوارچێوەی یارییە دۆستانەو ئامادەكارییەكانی هەڵبژاردەی وڵاتانی جیهان، هەڵبژاردەی بەرازیل لە نێو یاریگە و هاندەرانی خۆیدا میوانداری هەڵبژاردەی كۆڵۆمبیای كرد.

لە نیوەی یەكەمی یارییەكە و لە خولەكی (19) كاسمێرۆ گۆڵی پێشكەوتنی بۆ بەرازیلییەكان تۆماركرد، بەڵام لە خولەكی (25)ی یارییەكەدا لویس مۆریێڵ گۆڵی بەرامبەری بۆ هەڵبژاردەی كۆڵۆمبیا تۆماركردەوە لە رێگەی لێدانێكی سزاوە، هەمان یاریزان لە خولەكی (35)ی یارییەكەدا گۆڵی دوەمی خۆی هەڵبژاردەكەی تۆماركرد، نیوەی یەكەمی یارییەكە بەئەنجامی دو گۆڵ بەرامبەر بە گۆڵێك لە بەرژەوەندی كۆڵۆمبیای میوان كۆتایهات.

لە نیوەی دوەمی یارییەكە یاریزانانی هەڵبژاردەی بەرازیل بە سود وەرگرتن لە یاریگە و هاندەرانیان هەوڵی هاوتا كردنەوەی ئەنجامی یارییەكەیان دەدا، تا لە خولەكی (58) بەهۆی زۆری فشاری یاریزانانی بەرازیلەوە نێیمار گۆڵی بەرامبەری بۆ بەرازیلییەكان تۆماركردەوە.

یارییەكەش بە ئەنجامی دو گۆڵ بۆ هەردو هەڵبژاردە كۆتاییهات.


نیشانەکردن :

#به‌رازیل

Copyright © 2017 Xendan.org all rights reserved

designed and developed by AVESTA GROUP