زیدان لیستی یاریزانانی ریاڵ مەدریدی بۆ چامپیۆنس لیگ ئاشكراكرد

9/4/2019 9:22:00 PM 23756 جار خوێندراوەتەوە

خەندان سپۆرت

 

راهێنەری یانەی ریاڵ مەدریدی ئیسپانی زینەدین زیدانی فەرەنسی لیستی یاریزانەكانی بۆ یارییەكانی وەرزی نوێی خولی یانە پاڵەوانەكانی ئەوروپا ئاشكراكردو تێیدا یەكێك لە بەهێزترین هێرشبەرەكانی یانەكەی دورخستەوە.

دوای ئەوەی یەكێتی تۆپی پێی ئەوروپا داوی لەو یانانە كرد كە بەشداری لە یارییەكانی وەرزی داهاتوی چامپیۆنس لیگ دەكەن، لیستی كۆتایی یاریزانەكانیان پێشكەشی یەكێتیەكە بكەن، یانەی ریاڵ مەدرید ماریانۆ دیازی بۆ لیستی یاریزانەكانی زیاد كرد، پاش ئەوەی ئەو یانەیە سەركەوتو نەبو لە فرۆشتنی ئەو یاریزانە لە مێركاتۆی هاوینەدا.

زیدان لە لیستەكەدا ماركۆس ئەسینسیۆی هێرشبەری یانەكەی دورخستۆتەوە كە بەهۆی پێكانەوە ماوەیەكی زۆرە لە ریزەكانی یانەكەی دوركەوتۆتەوە.

لیستی یاریزانەكانی یانەی ریاڵ مەدرید بۆ بەشداریكردن لە چامپیۆنس لیگ پێك دێت لە " ئاریۆلا، كۆرتوا، كارڤاخال، ئۆدریۆزولا، میلیتاو، ڕامۆس، ڤاران، ناچۆ، مارسێلۆ، مێندی، كاسمێرۆ، ڤاڵڤێردی، كرۆس، مۆدریچ، جەیمس، براهیم، ئیسكۆ، هازارد، بەیڵ، لۆكاس ڤاسكوێز، ڤینیسیۆس، رۆدریگۆ، بەنزیما، یۆڤیچ، ماریانۆ".



Copyright © 2017 Xendan.org all rights reserved

designed and developed by AVESTA GROUP