ڤیدیۆ.. ریاڵ مەدرید لەگەڵ ڤیاڕیاڵ بەرامبەربو

9/2/2019 12:36:00 AM 3971 جار خوێندراوەتەوە

خەندان سپۆرت

 

لەمیانەی یارییەكانی هەفتەی سێیەمی خولی یانەكانی ئیسپانیا یانەی ڤیاڕیاڵ لە نێو یاریگەو هاندەرانی خۆی میوانداری یانەی ریاڵ مەدریدی كرد.

 

لە نیوەی یەكەمی یارییەكە و لە خولەكی (12) جیرارد مۆرینیۆ گۆڵی پێشكەوتنی بۆ یانەی خاوەن یاریگە تۆماركرد، بەڵام لە دواخولەكی نیوەی یەكەمی یارییەكە گاریس بەیل گۆڵی بەرامبەری بۆ یانەی شاهانە تۆماركردوەو نیوەی یەكەمی یارییەكە بە گۆڵێك بۆ هەردولا كۆتایهات.

 

لە نیوەی دوەمی یارییەكە و لە خولەكی (74) میوسیس گۆمێز گۆڵی دوەم و پێشكەوتنی بۆ یانەی ڤیاڕیاڵ تۆماركرد، بەڵام ئەمجارەش گاریس بەیل فریای یانەكەی كەوت و لە خولەكی (86) گۆڵی بەرامبەری بۆ مەدریدییەكان تۆماركردەوە، بەڵام لە دواخولەكی یارییەكە بەهۆی وەرگرتنی دو كارتی زەردەوە گاریس بەیل كراییە دەرەوەی یاریگە.

 

سەرئەنجام هەردو یانەی ریاڵ مەدرید و ڤیاڕیاڵ بە دو گۆڵ هاوتا بون و یانەی مێرەنگی بە ئەنجامدانی سێ یاریی تەنها 5 خاڵی كۆكردۆتەوە.


نیشانەکردن :

#ریال مەدرید #لالیگا

Copyright © 2017 Xendan.org all rights reserved

designed and developed by AVESTA GROUP