دواین گۆڕانكاری لەبارەی گرێبەستەكەی نێیمارەوە

8/31/2019 12:39:00 PM 15537 جار خوێندراوەتەوە

خەندان سپۆرت

 

رۆژنامەی مۆندۆ دیپۆرتیڤۆی كەتەلۆنی ئاشكرایكردوە، كە یانەی بەرشەلۆنە گرفتی گەورەی بۆ دروستبوە لە گەرانەوەی نێیمار بۆ یانەكەی و ئێستا بەرپرسانی ئەو یانەیە تەنها دو رێگایان لە پێشە بۆ ئەوەی  گواستنەوەی نێیمار بە سەركەوتوی ئەنجام بدەن.

بەهۆی رۆیشتنی فیلیپ كۆتینیۆ بۆ یانەی بایرن میونشن گفتوگۆكانی نێوان هەردو یانەیە بەرەو هەڵدێر چون، بەرێوبەری وەرزشی یانەی پاریس سان جێرمانیش لیۆناردیۆی بەرازیلی دەڵێت.. " گەر ئەوەی ئێمە داوای دەكەین بەرشەلۆنە بۆمان جێبەجێ بكات، ئێمە نێیماریان پێدەدەین"، لیۆناردۆ ئەوەشی نەشاردەوە كە تەنها یانەی بەرشەلۆنە گرنگی بە تواناكانی نێیمار دەدات و هەوڵی گواستنەوەی ئەو یاریزانە دەدەن.

هەمان سەرچاوە ئەوەشی ئاشكراكردوە، كە یانەی بەرشەلۆنە بۆ رازیكردنی یانەی پاریس سان جێرمان تەنها دو رێگەی لە پێشە، بۆ ئەوەی پێش كۆتایی هاتنی مێركاتۆی هاوینە لە رۆژی دو شەممەی داهاتوەو یاریزانە بۆ ریزەكانی بگوازێتەوە.

رێگەی یەكەم، دەبێت بەرپرسانی یانەی بەرشەلۆنە كار بكەن بۆ ئەوەی بەرپرسانی پاریس نەرمی بنوێنن لە ئاستی داواكارییەكانیان لە ڕیگەی بینی زاهاڤی كە نێوەندگیری و هەردولا دەكات.

رێگەی دوەم، دەبێت بەرپرسانی بەرشەلۆنە عوسمان دێمبڵی و تۆدیبۆ و ڕاكێتیچ ڕازی بكەن بە یاریكردنیان بۆ یانەی پاریس سان جێرمان.



Copyright © 2017 Xendan.org all rights reserved

designed and developed by AVESTA GROUP