تیروپشكى وەرزی نوێی خولى یانه‌ پاڵه‌وانه‌كانى ئه‌وروپا

8/29/2019 2:22:00 PM 4634 جار خوێندراوەتەوە

خەندان سپۆرت

 

له‌ باره‌گای یه‌كێتیی تۆپی پێی ئه‌وروپا بڕیارە ئەمرۆ تیروپشكی قۆناغی گروپه‌كانی خولی یانە پاڵەوانەكانی ئەوروپا ئەنجام بدرێت، دوای تیروپشكەكە باشترین یاریزانی کوڕو کچی ئه‌وروپاش دیاریی ده‌كرێت.

ئاهه‌نگه‌كه‌ كاتژمێر  (7:00) به‌ كاتی باشوری كوردستان له‌ هۆڵی گریمالدی فۆرام له‌ مۆناكۆی فه‌ره‌نسی ده‌ستپێده‌كات.

لە سەر ئاستی كوڕان میسی و کریستیانۆ رۆناڵدۆ و ڤان دایک پاڵێوراون، لە کچانیشدا سێ کچە یاریزانی ئۆڵۆمپیک لیۆنی پاڵەوانی وەرزی رابردوی چامپیۆنس لیگ دیاریكراون كە ئەوانیش (لوسی برۆنزی ئینگلیزی و ئادا هێنگربێری نەرویجی و ئاماندینی هێنری فەرەنسی)ن.

تیروپشكی چامپیۆنس لیگ بۆ (32) یانه‌ ئەنجام دەدرێت كە به‌سه‌ر چوار ئاستی هەشت یانه‌ییدا دابه‌شكراون و ئەو تیمانە بەسەر هەشت كۆمەڵەدا دابەش دەكرێن.


نیشانەکردن :

#چامپیۆنس لیگ

Copyright © 2017 Xendan.org all rights reserved

designed and developed by AVESTA GROUP