جۆرجینا.. ژیان لەگەڵ رۆناڵدۆ سەختە

8/27/2019 5:35:00 PM 27240 جار خوێندراوەتەوە

خەندان سپۆرت

 

جۆرجینا رۆدریگزی هاوڕێی كریستیانۆ رۆناڵدۆ كە بۆ ماوەی چەند ساڵێكە لەگەڵ ئەو یاریزانەدا ژیان بەسەر دەبات، باس لەوە دەكات كە بەسەربردنی ژیان لەگەڵ رۆناڵدۆ قورسە و چەند نهێنیەك لەو بارییەوە دەدركێنێت.

ئەو هاورێ كچەی رۆناڵدۆ لە لێدوانێكیدا بۆ پێگەی گۆڵی ئیتاڵیا باسی لەسەرەتایی ئاشنابونی لەگەڵ رۆناڵدۆ كردو وتی.. "بۆ یەكەمجار لە گۆتچی چاوم بە رۆناڵدۆ كەوت، بەڵام هێندەی نەبرد كە لە ئاهەنگی براندێكی بازرگانی چاومان بە یەكتر كەوتەوە، پێكەوە دانیشتین و كەمێك قسەمان كرد، ئەوەش یەكەمین دیداری خۆشەویستیمان بو".

ئەو خانمە لە درێژەی لێدوانەكەیدا باس لەوە دەكات، "كە بەسەر بردنی ژیان لەگەڵ كەسانی بەناوبانگ، كارێكی سەختە، بەڵام لەگەڵ ئەوەشدا من كریستیانۆ بە هەمو جیهان ناگۆڕمەوە، چونكە ئەو زۆر بەهێزەو هەردوكمان پێكەوە زۆر بەهێزین و تەواو سەرسامین بە یەكدی".

لە كۆتایدا جۆرجینا وتی.. " مردنی باوكم فێری ئەوەی كردم كە گرنگترین شت لە ژیانی مرۆڤ پاراستنی تەندروستیەتی، پارە و سامان خۆشەویستی دروست ناكەن و تەندروستی باشی مرۆڤ گەورەترین سامانە".


نیشانەکردن :

#کریستیانۆ

Copyright © 2017 Xendan.org all rights reserved

designed and developed by AVESTA GROUP