پاریس یاریزانێكی ریاڵ مەدریدی دەوێت

8/27/2019 2:19:00 PM 18750 جار خوێندراوەتەوە

خەندان سپۆرت

 

یانەی پاریس سانجێرمانی فەرەنسی لە هەوڵەكانی بەردەوامە بۆ گواستنەوەی یاریزانێكی یانەی ریاڵ مەدریدی ئیسپانی و كار بۆ ئەوە دەكەن پێش داخستنی دەرگای گواستنەوەی هاوینەی یاریزانان ئەو گرێبەستە ئەنجام بدەن.

رۆژنامەی مۆندۆدیپۆرتیڤۆی ئیسپانی ئاشكرایكردوە، كە بەرپرسانی یانەی پاریس سان جێرمان گرێبەستێكیان بە بەهای 15 ملیۆن یۆرۆ پێشكەشی یانەی ریاڵ مەدرید كردوە،  لە پێناو گواستنەوەی كلیۆر ناڤاسی كۆستاریكی و بەرپرسانی یانەی شاهانەش داوای 20 ملیۆن یۆرۆ دەكەن.

دوای ئەوەی كۆرتوا وەك گۆڵپارێزی سەرەكی یانەی ریال مەدرید دەستنیشانكرا، ناڤاس داوای رۆیشتنی كرد لە یانەی ریال مەدرید، بەڵام زیدان ڕەتیكردەوەو وتی.. ئێمە پێویستمان بە ناڤاسەو ئەو گۆڵپارێزێكی لێهاتوە.

ماوەی چەند رۆژێكە یانەی پاریس سان جێرمان هەوڵەكانی خستۆتەگەڕ لە پێناو گواستنەوەی ئەو یاریزانە بۆ ریزەكانی یانەكەیان و تا ئێستاش لە هەوڵەكانیان بەردەوامن لە پێناو بەدەستهێنانی تواناكانی ئەو گۆڵپارێزە.



Copyright © 2017 Xendan.org all rights reserved

designed and developed by AVESTA GROUP