ڤیدیۆ.. چێڵسی سەركەوتنی تۆماركرد

8/24/2019 4:25:00 PM 1158 جار خوێندراوەتەوە

خەندان سپۆرت

 

لە چوارچێوەی یارییەكانی هەفتەی سێیەمی خولی نایابی ئینگلتەرا یانەی چێڵسی بوە میوانی یانەی نۆریچ سیتی.

زۆر بە خێرای لە خولەكی سێی یارییەكەدا تامی ئەبراهام گۆڵی پێشكەوتنی بۆ یانەی چێڵسی تۆماركرد، بەڵام دوای تەنها سێ خولەك لەم گۆڵە تود كانتویڵ گۆڵی بەرامبەری بۆ یانە خاوەن یاریگە تۆماركردوە، لە خولەكی (17) ماسون مۆنت گۆڵی پێشكەوتنی بۆ یانەی میوان تۆماركرد، بەڵام لە خولەكی (30) تیمۆ بوكی گۆڵی بەرامبەری بۆ یانەی نۆریچ ستی تۆماركردوە، سەرئەنجام نیوەی یەكەمی یارییەكە بە دو گۆڵ بۆ هەردو یانە كۆتایی هات.

 لە نیوەی دوەمی یارییەكەدا یاریزانانی چێڵسی لە هەوڵی یەكەمین سێ خاڵی وەرزی نوێدا بون بە شێوەیەكی باشتر یارییان كرد ، تا لە خولەكی (68) تامی ئەبراهام گۆڵی دوەمی خۆی سێیەمی یانەی چێڵسی تۆماركرد.

سەرئەنجام یارییەكە لە بەرژەوەندی چێڵسی كۆتایهات بەئەنجامی (3-2) گۆڵ و فرانك لامپارد یەكەمین سێ خاڵی بۆ یانەی چێڵسی ئینگلیزی لە یارییەكانی وەرزی نوێی ئەو خولە بەدەستهێنا.


نیشانەکردن :

#چێڵسی #پریمه‌رلیگ

Copyright © 2017 Xendan.org all rights reserved

designed and developed by AVESTA GROUP