ریاڵ مەدرید داوایەكی چاوەڕان نەكراوی لە پاریس هەیە

8/24/2019 12:48:00 PM 51543 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە، یانەی ریاڵ مەدریدی ئیسپانی داواكارییەكی چاوەڕوان نەكراوی لە یانەی رپاریس سان جێرمانی فەرەنسی هەیە سەبارەت بە نێیمار داسیلڤای بەرازیلی.

یانەی ریاڵ مەدریدی ئیسپانی یەكێكە لەو یانانەی خواستی خۆی پیشانداوە بۆ گواستنەوەی نێیمار داسیلڤای بەرازیلی لە مێركاتۆی هاوینەدا.

رۆژنامەی ماركای ئیسپانی ڕایگەیاندوە، كە یانەی ریاڵ مەدریدی ئیسپانی ئامادەی خۆی نیشانداوە بۆ ئەوەی جێگەی پێكانە بەردەوامەكانی نێیمار چارەسەربكات.

هەمان سەرچاوە ئەوەشی ئاشكراكردوە، كە بەرپرسانی یانەی ریاڵ مەدرید زانیاریی تەواویان هەیە لەسەر پێكانەكانی ئەو یاریزانە و ئامادەن پێش ئەنجامدانی گرێبەست لەگەڵ ئەو یاریزانەدا پێكانەكەی بە تەواوی چارەسەر بكەن و تەواوی بڕی تێچونەكەشی لە ئەستۆ بگرن.

یانەی پاریس سان جێرمان ئامادەی خۆی نیشانداوە بۆ جێبەجێكردنی خواستی یانەی ریاڵ مەدرید، لە پێناو چاكبونەوەی ئەو یاریزانە و گەرانەوە بۆ راهێنانە بە كۆمەڵەكانی یانەكەی و ڕزگاربونی لەو پێكانەی كە چەندین جار روبەروی بۆتەوەو بەهۆی لە یاریگەكان دوركەوتۆتەوە.



Copyright © 2017 Xendan.org all rights reserved

designed and developed by AVESTA GROUP