ڕۆناڵدۆ دان بە ڕاستیەكدا دەنێت

8/20/2019 3:15:00 PM 10123 جار خوێندراوەتەوە

خەندان سپۆرت

 

كریستیانۆ ڕۆناڵدۆی پورتوگالی و یاریزانی یانەی یۆڤانتۆسی ئیتاڵی دان بە راستیەكدا دەنێت كە تایبەتە بەو خانمە ئەمریكیەی ڕۆناڵدۆی پێ تاوانبار كرابو بەوەی دەستدرێژی سێكسی كردۆتەسەر.

رۆناڵدۆ لە رێگەی یەكێك لە پارێزەرەكانیەوە دانی بەوەدا ناوە كە بڕی 375 هەزار دۆلاری داوەتە كاترین مایۆرگای كچە نمایشكاری ئەمریكی لە پێناو بێدەنگ بونی، كە ئەو خانمە سكاڵای لە رۆناڵدۆ تۆماركردو تۆمەتباری كردبو بەوەی كە دەستدرێژی سێكسی كردۆتەسەری.

لە ساڵی 2009 و له‌ یه‌كێك له‌ یانه‌ شه‌وانەكانی لاس ڤیگاس له‌ ویلایه‌ته‌ یه‌كگرتوه‌كانی ئه‌مریكا كریستیانۆ رۆناڵدۆ چاوی بە مایۆرگا دەكەوێت و پاش یەكترناسین داوای لێدەكات كە لە درەنگانێكی شەودا سەردانی ژورەكەی ڕۆناڵدۆ بكات.

دوای چەند ساڵانێك و لە كاتی بەجێهێشتنی یانەی ریاڵ مەدرید، ئەو كچه‌ سكاڵایه‌ك له‌سه‌ر رۆناڵدۆ تۆمارده‌كات و به‌وه‌ تۆمه‌تباری ده‌كات كه‌ به‌زۆر ده‌ستدرێژی سێكسی كردووه‌ته‌ سه‌ری، به‌ڵام هەر زو ئەو یاریزانە ئەو دەنگۆیانەی رەتكردەوەو رایگه‌یاند "هه‌ر شتێك له‌ نێوایناندا رویدابێت، به‌ ره‌زامه‌ندی هه‌ردوو لا بووه‌".

ماوەی چەند مانگێك لەمەوبەر بەهۆی نەبونی هیچ بەڵگەیەكەوە دادگا بێ تاوانی ڕۆناڵدۆی ڕاگەیاند، بەڵام ئەو یاریزانە بۆ یەكەمجار دان بەو ڕاستیەدا دەنێت كە لە ساڵی 2009 و دوای ڕوداوەكە لەگەڵ مایۆرگا رێككەوتون كە 375 هەزار دۆلاری پێبدەن لە پێناو ئەوەی هەموشتێكی ئەو شەوە كە لە نێوانیاندا ڕویداوە بە نهێنی بمێنێتەوەو هەرگیز باسی لێوە نەكرێت.


نیشانەکردن :

#کریستیانۆ #یۆڤانتۆس

Copyright © 2017 Xendan.org all rights reserved

designed and developed by AVESTA GROUP