سیلڤا بەهۆی نێیمارەوە نەبو كە دۆڕاین

8/19/2019 4:00:00 PM 1999 جار خوێندراوەتەوە

خەندان سپۆرت

 

تیاگۆ سیلڤای بەرازیلی و یاریزانی یانەی پاریس سان جێرمانی فەرەنسی باس لە شكستی یانەكەی دەكات و دەلێت، یارینەكردنی نێیمار هۆكارێك نەبو بۆ شكستی یانەكەمان بەرامبەر یانەی رین لە خولی یانەكانی فەرەنسا.

دوای یارییەكەو لە لێدوانێكیدا بۆ رۆژنامەنوسان سیلڤا باسی لە نێیمار كردو وتی.. " نێیمار یەكێكە لە یاریزانە سەرنجڕاكێشەكان و ئەو هاوشێوەی مێسی رۆناڵدۆ دەتوانێت كاری گەورە ئەنجام بدات".

لە درێژەی قسەكانیدا ئەو یاریزانە بەرازیلیە وتی.. " هیوادارم نێیمار لەگەڵمان بەردەوام بێت، چونكە ئەو یاریزانێكی بە توانایەو سودی زۆر بە یانەكەمان دەگەیەنێت، بە رۆیشتنی ئەو یاریزانە بە ئاسانی جێگەی لە یانەكە قەرەبو ناكرێتەوە".

لە كۆتایدا سیلڤا وتی.. " واهەست دەكەم ئەو یاریزانە لەگەڵمان بەردەوام بێت و لە یانەكەمان بمێنێتەوە، هەرچەندە باردۆخەكە گۆڕاوەو بڕیاری كۆتایش بە دەست یاریزانەكەیە و بابەتەكە تاكە كەسیە".



Copyright © 2017 Xendan.org all rights reserved

designed and developed by AVESTA GROUP