كاتی گەڕانەوەی سانێ ئاشكرابو

8/19/2019 2:54:00 PM 2152 جار خوێندراوەتەوە

خەندان سپۆرت

 

دوای ئەو پێكانەی دوچاری بۆوە لۆرێ سانێی یاریزانی هەڵبژاردەی ئەڵمانیا و یانەی مانچستەرسیتی ئینگلیزی بە سەركەوتوی نەشتەرگەری بۆ ئەنجامدراو كاتی گەڕانەوەی بۆ نێو یاریگەكان دیاریكرا.

راپۆرتی رۆژنامەكانی ئەڵمانیا ئاشكریان كرد، كە سانێ بەسەركەوتوی نەشتەرگەرییەكەی بۆ ئەنجامدراوەو ئەو یاریزانە شەش مانگی پێویستە بۆ ئەوەی بە تەواوی لە پێكانەكەی چاكبێتەوەو بگەڕێتەوە نێو یاریگەكان بۆ ئەوەی دەست بە راهێنان بكاتەوە.

رۆژنامەی بێڵدی ئەڵمانی ڕایگەیاندوە، نەشتەرگەرییەكەی سانێ لە لایەن كریستیان فینكی نەمساوییەوە ئەنجامدراوەو ئەو یاریزانە لە مانگی ئاداری ساڵی دەهاتو دەتوانێت دەست بە راهێنان بكاتەوە لە پێناو گەڕانەوەی بۆ نێو یاریگەكان.

سانێ لە یاریی یانەكەی بەرامبەر یانەی لێڤەرپوڵ لە جامی قەڵغانی ئینگلیزی دوچاری پێكانێكی سەخت هات و بە ناچاری یارییەكەی جێهێشت.



Copyright © 2017 Xendan.org all rights reserved

designed and developed by AVESTA GROUP