حەبیب هێرش دەكاتەسەر كۆنەر

8/18/2019 12:18:00 PM 9741 جار خوێندراوەتەوە

خەندان سپۆرت

 

حبیب نۆرماگۆمیدۆڤی یاریزانی هونەرە بەرگرییەكان و پاڵەوانی (UFC)  هێرش دەكاتە سەر كۆنەر ماكگریگۆر بەهۆی ئەو گرتە ڤیدیۆیەی بڵاو بۆوەو تێیدا هێرش دەكاتە سەر كەسێكی بە تەمەن.

حەبیب لە لێدوانێكیدا بۆ TMZ وتی.. كۆنەر كەسێكە رێزی گەورەو بچوكی نازانێت، ئەو یاریزانێكی پییشەگەرە دەبێت رێز لە رای ئەو كەسانە بگرێت كە لە خۆی گەورەترن، ئەو لەگەڵ ئەوەی پیشەگەرە، بەڵام زۆر نا بەرپرسانە مامەڵە لەگەڵ دەوروبەری دەكات.

ئەو پاڵەوانە وتیشی.. پێویستە دەسەڵاتدارانی ئیرلەندا لەو كارەی كۆنەر خۆش نەبن و پێویستە لەسەر ئەو رەفتارەی كە هێرشی كردە سەر كەسێكی بە تەمەن، زیندانی بكرێت، بۆ ئەوەی جارێكی دیكە رەفتاری لەو شێوەیە دوبارە نەكاتەوە.

لە چەند رۆژی رابردودا گرتەیەكی ڤیدیۆی بڵاوبۆوە كە كۆنەر ماكگریگۆری سكۆتلەندی دەچێتە چێشتخانەیەك و ویسكی پێشكەشی ئامادەبوان دەكات و یەكێك لە دەنیشتوانی چێشتخانەكە دیارییەكەی كۆنەر ڕەتدەكاتەوەو ئەو یاریزانەش هێرش دەكاتە سەری و بۆكسێك دەكێشێت بەسەریدا.


نیشانەکردن :

#جیهان

Copyright © 2017 Xendan.org all rights reserved

designed and developed by AVESTA GROUP