ریاڵ مەدرید ئەستێرەیەكی پریمەرلیگی دەوێت

8/18/2019 11:31:00 AM 11116 جار خوێندراوەتەوە

خەندان سپۆرت

 

یانەی ریاڵ مەدریدی ئیسپانی لە پێناو گواستنەوەی ئەستێرەیەكی پریمەرلیگ هاتۆتە سەرهێڵ و ئەمجارە پشتی لە پۆگبا كردوە و كار بۆ گواستنەوەی یاریزانێكی دیكە دەكات.

رۆژنامەی سەنی بریتانی ئاشكرایكردوە، كە یانەی ریاڵ مەدریدی ئیسپانی جارێكی دیكە بیرۆكەی گواستنەوەی ئیریكسنی دانیماركی بۆ زیندو بۆتەوە و كار بۆ ئەوە دەكات كە ئەو یاریزانە بۆ ریزەكانی یانەكەی بگوازێتەوە لە پێناو بەهێزكردنی هێڵی ناوەندی یانەكەی.

هەمان سەرچاوە ئەوەشی ئاشكراكردوە، كە یانەی ریاڵ مەدریدی ئیسپانی ئامادەی خۆی نیشانداوە لە بەرامبەر دەستبەردار بونی تۆتنهام لە ئیریكسن گرێبەستێك بە بەهای 60 ملیۆن یۆرۆ پێشكەشی یانە ئینگلیزییەكە.

یانەی ریاڵ مەدریدی ئیسپانی یەكێك بو لەو یانانەی گرنگی بە گواستنەوەی ئەو یاریزانە دانیماركییە دەدا، بەڵام دواتر هەوڵەكانی بۆ گواستنەوەی پۆگبا خستەگەڕ و بەهۆی زۆری نرخەكەیەوە سەركەوتو نەبون لە گواستنەوەی ئەو یاریزانە فەرەنسییە.



Copyright © 2017 Xendan.org all rights reserved

designed and developed by AVESTA GROUP