راهێنەری ئەتلەتیك بلباو.. ئادۆریز ئاژەڵە

8/17/2019 2:10:00 PM 3348 جار خوێندراوەتەوە

خەندان سپۆرت

 

دوای سەركەوتنی یانەكەی بەسەر یانەی بەرشەلۆنەی ئیسپانی راهێنەری یانەی ئەتلیتیك بلباو  هێرشبەرێكی یانەكەی بە ئاژەڵ ناوزەند دەكات.

گایزكا گاریتانۆی راھێنەری یانەی ئەتلەتیك بلباو دڵخۆش خۆی بەسەركەوتنی یانەكەی دەربڕی كاتێك ئادۆرێزی تەمەن 38 ساڵی هێرشبەری یانەی ئەتلەتیك بلباو لە خولەكی 89 گۆڵێكی سەرنجراكێشی لەسەر یانەی بەرشەلۆنە تۆماركردو سێ خاڵی گرنگی بۆ یانەكەی بەدەستهێنا.

گاریتانۆ دوای یارییەكەو لە لێدوانێكی رۆژنامەوانیدا وتی.. " ئاودۆریز ئاژەڵێكی سەرسەختەو بەردەوام ئارەزوی ڕكابەری هەیە، ئەو پێش سەرجەم یاریزانانی تیمەكە دێتە راهێنان و پاش هەمو یاریزانەكان یەكەی مەشق و راهێنان جێدەهێڵێت، لە راستیدا ئێمە پێویستییەكی زۆرمان بە تواناكانی ئەو یاریزانە هەیە".

راهێنەرەكەی بلباو لە درێژەی قسەكانیدا وتی.." بەراستی ئەم یارییە دڵخۆشی كردین و پێویستە چێژی لێوەربگرین، بەڵام نابێت زۆر بخایەنێت، چونكە هەندێك كێشەمان هەیە و دەبێت چارەسەری بكەین، لە ئێستاشدا بیر لە یاریی داهاتومان دەكەینەوە بەرامبەر خێتافی.


نیشانەکردن :

#بەرشلۆنە #لالیگا

Copyright © 2017 Xendan.org all rights reserved

designed and developed by AVESTA GROUP