ئەگەری هەیە زیدان دەستلەكار بكێشێتەوە

8/15/2019 5:12:00 PM 41405 جار خوێندراوەتەوە

خەندان سپۆرت

 

بەرپرسانی یانەی ریاڵ مەدریدی ئیسپانی ترسیان هەیە لەوەی جارێكی دیكە زینەدین زیدانی فەرەنسی و راهێنەری یانەی ریاڵ مەدریدی ئیسپانی بۆ جاری دوەم دەست لە كاربكێشێتەوە.

راپۆرتی رۆژنامە ئیسپانییەكان ئاشكرایان كردوە بەهۆی ئەوەی بەرپرسانی یانەی ریاڵ مەدرید سەركەوتو نەبون لە گواستنەوەی پۆڵ پۆگبای فەرەنسی ئەگەری زۆرە ئەو راهێنەرە ریزەكانی یانەی ریال مەدرید بەجێبهێڵێت.

دێیگۆ تۆرێسی رۆژنامەنوسی ئیسپانی لە لێدوانێكیدا بۆ رۆژنامەی "ئیندپندنتی" بریتانی وتی.. بەهۆی شكستهێنان لە گواستنەوەی پۆگبا، ئەگەری زۆرە زیدان دەستبەرداری پۆستەكەی بێت، چونكە ئەو راهێنەرە لە سەرەتای مێركاتۆی هاوینەوە داوای گواستنەوەی پۆگبا دەكات و بەرپرسانی شاهانە خواستەكەیان جێبەجێ نەكرد.

چەند سەرچاوەیەكیش باس لەوە دەكەن كە بە تەواوی نێوانی زیدانی راهێنەر و فلۆرەنتینۆ پێرێزی سەرۆكی یانەی شاهانە تێكچوە بە هۆی شكستهێنانی یانەی شاهانە لە گواستنەوەی پۆڵ پۆگبا.

رۆژنامەی "توك سپۆرت"ـی بریتانی ئاشكرایكردوە، لە ئەگەری دەست لەكاركێشانەوەی زیدان، چەند راهێنەرێك بۆ شوێنگرتنەوەی دیاریكراون كە ئەوانیش، پۆچیتینۆی راهێنەری یانەی تۆتنهام و یۆرگن كلۆپی ئەڵمانی لەگەڵ ئۆنای ئێمری راهێنەری یانەی ئارسناڵ. 


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP