گومان لە بەشداریكردنی مێسی هەیە

8/14/2019 6:03:00 PM 2455 جار خوێندراوەتەوە

خەندان سپۆرت

 

بەهۆی ئەو پێكانەی دوچاری بو پێش گەشتی یانەی بەرشەلۆنە بۆ ویلایەتە یەكگرتوەكانی ئەمریكا، تا ئێستا مێسی بە شێوەیەكی تەواوەتی لە پێكانەكەی چاكنەبۆتەوەو ئەگەری هەیە بەو هۆیەوە بەشداری یەكەمین یاریی یانەكەی نەكات لە وەرزی نوێی خولی یانەكانی ئیسپانیا.

بڕیارە رۆژی هەینی لە یاریی دەستپێكی خولی یانەكانی ئیسپانیا یانەی ئەتلەتیك بلباو لە یاریگای خۆیدا بەرامبەر یانەی بەرشەلۆنەی ئیسپانی یاریی بكات.

كادینا سێر لە هەواڵێكیدا ئاشكرایكردوە، كە كاپتنی یانەی بەرشەلۆنە لیۆنێل مێسی لە ئێستادا هەست بە باشی ناكات و پێدەچێت بەهۆی ئازارەوە نەتوانێت بەشداری یارییەكەی رۆژی هەینی یانەكەی بكات.

هەمان سەرچاوە ئەوەشی ئاشكراكردوە، كە پێدەچێت مێسی بۆ یاریی دوەمی یانەكەی لە خولی یانەكانی ئیسپانیا بەرامبەر یانەی ریاڵ بیتیس بگەڕێتەوە و لەگەڵ یانەی بەرشەلۆنە بەشداری یەكەمین یاریی فەرمی بكات.


نیشانەکردن :

#بەرشلۆنە #لالیگا #مێسی

Copyright © 2017 Xendan.org all rights reserved

designed and developed by AVESTA GROUP