ریاڵ مەدرید رێگەیەكی نوێ بۆ گواستنەوەی نێیمار دەگرێتەبەر

8/12/2019 5:58:00 PM 29621 جار خوێندراوەتەوە

خەندان سپۆرت

 

بەهۆی نزیك بونەوەی تەواوەتی یانەی بەرشەلۆنە لە گواستنەوەی نێیمار داسیلڤای بەرازیلی بۆ ریزەكانی یانەكەی، كاربەدەستانی یانەی شاهانە رێگایەكی نوێ دەگرنەبەر لە پێناو گواستنەوەی نێیمار.

تۆڕی هەواڵی (ESPN)  بریتانی ئاشكاریكردوە، كە بەرپرسانی یانەی ریاڵ مەدرید لە رێگەی چەند یاریزانێكی بەرازیلیەوە كە لە یانەی ریاڵ مەدرید یاری یدەكەن پەیوەندیان بە نێیمارەوە كردوە.

هەمان سەرچاوە ئەوەشی باس كردوە كە پەیوەندییەكەی یاریزانە بەرازیلییەكان بۆ ئەو مەبەستە بوە كە داوا لە نێیمار بكەن پەیوەندی بە یانەی ریاڵ مەدریدەوە بكات و پشتگیری خۆیانی بۆ دەرببڕن.

ئەم هەوڵانەی یانەی شاهانە دوای هات كە نیوەڕۆی ئەمرۆ پارێزرێكی نێیمار چوە شاری بەرشەلۆنەو لەگەڵ بارتۆمیۆی سەرۆكی یانەی بەرشەلۆنە كۆبونەوەی ئەنجامداو زۆرێك لە ڕاگەیاندنە ئیسپانییەكانیش بای لەوە دەكەن كە یانەی بەرشەلۆنە بە تەواوی لە گواستنەوەی نێیمار نزیك بونەتەوە.



Copyright © 2017 Xendan.org all rights reserved

designed and developed by AVESTA GROUP