زیدان هێرشبەرێكی یانەكەی دەردەكات

8/12/2019 5:21:00 PM 21032 جار خوێندراوەتەوە

خەندان سپۆرت

 

زینەدین زیدانی فەرەنسی لە هەنگاوێكی چاوەڕوان نەكراودا هێرشبەرێكی لاوی یانەكەی دەكاتە دەرەوەی پلانەكانی بۆ یارییەكانی وەرزی داهاتو لە بەرامبەریشدا داوای هێرشبەرێكی نوێ دەكات.

تۆڕى هه‌واڵى لاسیكستاى ئیسپانى رایگه‌یاندوه‌، كە زینه‌دین زیدانى فەرەنسی و راهێنه‌رى یانه‌ى ریاڵ مه‌دریدی ئیسپانی بەرپرسانی یانەكەی ئاگاداركردۆتەوە لەوەی كە پشت به‌ تواناكانى ڤینسۆس جونیۆرى هێرشبەری لاوی به‌رازیلى نابه‌ستێت .

هەمان سەرچاوە ئەوەشی خستۆتەڕو، زیدان نایەوێت وەك یاریزانی سەرەكی پشت بە تواناكانی‌ ڤینسۆس ببه‌ستێت و ئه‌گه‌رى هەیە بەم هۆیەوە بەرپرسانی یانەكە دەستبەرداری ئەو یاریزانە بن.

لە كۆتایدا تۆڕی لاسیكستا باس لەوە دەكات كە یانەی شاهانە تا دوا ساتى ده‌رگاى گواستنه‌وەی هاوینەی یاریزانان‌ به‌ دواى شوێنگره‌وه‌ى ڤینسۆس ده‌گەڕێت، لە پێناو ئەوەی هێرشبەرێكی گونجاو بۆ یانەكە بگوازنەوە.


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP