پاریس لەگەڵ ریاڵ مەدرید و بەرشەلۆنە لە گفتوگۆدایە

8/10/2019 4:02:00 PM 4938 جار خوێندراوەتەوە

خەندان سپۆرت

 

لیۆناردۆی بەرازیلی و بەرێوبەری وەرزشی یانەی پاریس سانجێرمان، بۆ یەكەمجار ئاشكرایدەكات كە یانەكەیان بە شێوەیەكی فەرمی لەگەڵ یانەی بەرشەلۆنە و ریاڵ مەدرید لە گفتوگۆدایە سەبارەت بە گواستنەوەی نێیمار لە مێركاتۆی ئەم هاوینەدا.

ئەو یاریزانەی پێشوی بەرازیل ئەوەشی ئاشكراكرد.. كە گفتوگۆكان لە بارەی رۆیشتنی نێیمار لە یانەكە بەرەو پێشچوە، ئەگەری زۆرە بەمنزیكانە بگەینە رێككەوتنی كۆتایی، بەڵام هێشتا ماوێتی رێككەوتنەكان بگەنە قۆناغی كۆتایی.

لە ئێستادا و بە بڕیاری بەرپرسانی یانەی پاریس سانجێرمان، نێیمار لە یاریی داهاتوی یانەكەی دورخراوەتەوە، بەهۆی ئامادە نەبونی تەواوەتی لە راهێنانی یانەكەو هەبونی گفتوگۆ لە بارەی رۆیشتنی یاریزانەكە لە یانەكە.

لە كۆتایدا لیۆناردۆ وتی.. راستە نێیمار پاریس جێدەهێڵێت، بەڵام دڵنیا نیم لەوەی كە ئەو یاریزانە دەگەرێتەوە یانەی بەرشەلۆنە، یاخود پەیوەندی بە یانەی ریاڵ مەدریدی ئیسپانییەوە دەكات، یانەی داهاتوی نێیمار تا ئێستا بە نادیاری ماوەتەوە.



Copyright © 2017 Xendan.org all rights reserved

designed and developed by AVESTA GROUP