هێرشبەرێكی ریاڵ مەدرید یانەكە جێدەهێڵێت

8/10/2019 1:43:00 PM 9035 جار خوێندراوەتەوە

خەندان سپۆرت

 

راپۆرتی رۆژنامەكانی ئیتاڵیا باس لەوە دەكەن كە ئەستێرەیەكی یانەی ریاڵ مەدریدی ئیسپانی نزیكە لە جێهێشتنی یانەی ریاڵ مەدرید بۆ پەیوەندیكردن بە یانەی رۆمای ئیتاڵییەوە.

پێگەی فوتبۆڵ ئیتاڵیا ڕایگەیاندوە.. كە بەرپرسانی یانەی رۆمای ئیتاڵی كار بۆ ئەوە دەكەن ماریانۆ دیازی یاریزانی یانەی ریاڵ مەدریدی ئیسپانی بەرەو ریزەكانی یانەكەیان بگوازنەوە، چونكە یانەی رۆما نزیكە بە لەدەستدانی ئەیدین دزیكۆی هێرشبەری بۆسنی یانەكەی لە بەرژەوەندی یانەی ئینتەرمیلان.

هەمان سەرچاوە ئەوەشی ئاشكراكردوە.. كە یانەی رۆما نیازی هەیە بەهای 20 ملیۆن یۆرۆ دەستبەرداری دزیكۆ بێت بۆ ئەوەی ریزەكانی یانەكەی پایتەخت جێبهڵــێت.

یانەی رۆما دەیەوێت بە شێوەی خواستن بۆ ماوەی یەك وەرز ماریانۆ دیازی هێرشبەری میرەنگی بۆ ریزەكانی یانەكەی بگوازێتەوە لەگەڵ مافی كڕینەوەی یاریزانەكە، بەڵام تا ئەم كاتە یانەی ریاڵ مەدرید ئەو گرێبەستەی رۆما ڕەتدەكاتەوەو دەیەوێت ئەو یاریزانە راستەوخۆ بداتە یانەی رۆما، نەك بە شێوەی خواستن.



Copyright © 2017 Xendan.org all rights reserved

designed and developed by AVESTA GROUP