نێیمار ڕەزامەندی نواندوە پەیوەندی بكات بە ریاڵ مەدریدەوە

8/10/2019 12:00:00 PM 10950 جار خوێندراوەتەوە

خەندان سپۆرت

 

رۆژنامەی ماركای ئیسپانی لە هەواڵەكانی ئەمرۆیدا ئاشكرایكردوە كە یاریزانی بەرازیلی نێیمار دا سیلڤا ئامادەی خۆی نیشانداوە بۆ ئەوەی پەویوەندی بە ریزەكانی یانەی ریاڵ مەدریدەوە بكات، بەهۆی نەمانی هیچ هیوایەك بۆ گەرانەوەی بۆ یانەی بەرشەلۆنە.

رۆژنامەی ماركا لە ژمارەی ئەمرۆیدا ڕایگەیاندە.. كە یانەی پاریس سانجێرمان دەیەوێت یاریزانەكەی بداتە ریاڵ مەدرید، چونكە بەرپرسانی یانە پاریسییەكە پەیوەندییەكی زۆر پتەویان لەگەڵ بەرپرسانی یانەی ریاڵ مەدرید هەیە.

لە ئێستاشدا یاریزانەكە هەست بە نیگەرانی دەكات بە هۆی هەوڵەكانی بەرشەلۆنە، هەر بۆیە نێیمار بیر لە یاریكردن بۆ یانەی ریاڵ مەدرید دەكاتەوە، چونكە ئەو یانەیە تاكە چارەسەر بۆ نێیمار لەپێناو ئەوەی لە پاریس سانجێرمان دوربكەوێتەوە، لەگەڵ ئەوەشدا ریاڵ مەدرید یەكێكە لە گەورەترین یانەكان لە جیهاندا.

راپۆرتەكەی ماركا ئەوەشی خستۆتەڕو.. لە ئێستادا دۆخی نێیمار هاوشێوەی لویس فیگۆی پورتوگالییە و ئەگەری زۆرە هەمان چارەنوسی ئەو یاریزانە پورتوگالیە بۆ نێیمار دوبارە ببێتەوە، چەنكە پێشتر ئەو یاریزانە بەهۆی ڕێكنەكەوتن لەگەڵ بەرپرسانی بەرشەلۆنە بۆ نوێكردنەوەی گرێبەستەكەی پەیوەندی بە یانەی ریاڵ مەدریدی ئیسپانییەوە كرد، كە ركابەرێكی مێژوی یانەی بەرشەلۆنەیە، كە بەهۆیەوە ئەو یاریزانە خۆشەویستی هاندەرانی یانەی بەرشەلۆنەی لە دەستداو تا ئێستاش سەرزەنشت دەكرێت لەلایەن كەتەلۆنییەكانەوە.



Copyright © 2017 Xendan.org all rights reserved

designed and developed by AVESTA GROUP