لیژنەیەكی فیفا سەردانی هەولێر و كەربەلا دەكات

8/7/2019 11:25:00 AM 2350 جار خوێندراوەتەوە

خەندان سپۆرت

 

لە ئێستادا یارییەكانی جامی خۆرئاوای ئاسیا لە عێراق و لە شارەكانی كەربەلا و هەولێر بەرێوە دەچن، بەڵام تا ئێستاش بە شێوەیەكی یەكجارەكی ئابڵۆقەی وەرزشی لەسەر شاری بەغدادی پایتەخت هەڵنەگیراوە.

یارییەكانی جامی خۆرئاوای ئاسیا بە بەشداری نۆ وڵات بەرێوەدەچێت و بە شێوەیەكی سەركەوتو تا ئێستا چەند یارییەك لە قۆناغی كۆمەڵەكان بەرێوەچوە، كە تێیدا یارییەكانی كۆمەڵەی یەكەم لە كەربەلا و یارییەكانی كۆمەڵەی دوەم لە هەولێر بەرێوەدەچن.

لیژنەیەك لە فیفاوە بە سەرۆكایەتی هیلمت سفانی دێتە عێراق و چاودێری بەرێوەچونی ئەم پاڵەوانێتیە دەكات و لەگەڵ ئەوەشدا سەردانی شارەكانی بەسڕە و كەربلا و هەولێر دەكەن و لە نزیكەوە چاودێری بەرێوەچونی یارییەكانی ئەم پاڵەوانێتیەو یارییەگاكان دەكەن.

پاشان ئەم لیژنەیە بە راپۆرتێك ئەندامی سەرۆكایەتی فیفا ئاگادار دەكەنەوە لە چۆنێتی بەرێوەچونی یارییەكان و كوالێتی یاریگەكان، ئەمەش لە پێناو ئەوەدایە كە ئابڵۆقەی وەرزشی لەسەر عێراق هەڵبگیرێت و چیدی ئەو هەڵبژاردەیە یارییەكانی پاڵاوتن لە دەرەوەی عێراق ئەنجام نەدەن و لە یاریگەكانی خۆیاندا یارییەكان بكەن.


نیشانەکردن :

#ناوخۆیی #فیفا #عێراق

Copyright © 2017 Xendan.org all rights reserved

designed and developed by AVESTA GROUP